已經二年了，我決定全力去追佢。: 第六章：驚人既消息

咁上次約會去海洋公園已經係四月既事，起四月至六月期間，我約過兩次阿欣去睇戲，不過兩次佢都唔得閑。
但起六月某一日，我約咗個舊同學食午餐，咁我地行緊去個陣，佢成日抽我水，成日講我追阿欣既野，我呢個舊同學同時係我好朋友亦係同阿欣一班。我地傾傾吓計，佢突然同我講。
朋友：有人要飛喎。
我：飛咩呀？去旅行?
朋友：飛去外國讀書呀！
我：咁……關我咩野事?
朋友：你唔關心就算！
我：咁其實係邊個飛呢？
朋友：唔想話你知啦。
經過我叫咗佢一陣，佢終於講。




朋友：邊個飛，咪你一生中最愛囉！
我：你講阿欣?
朋友：啱呀！
我：佢冇同我提過。
朋友：佢5月講咗架啦！可能佢想避開你，你追第二個啦！
我：我點都唔會放棄。
之後我地食完飯，我自己返屋企。
其實我起度諗，點解佢唔話比我知，我宜家知道佢遲D要走，雖然我唔開心，不過好過咩都唔知。

下回《離別前最後一次約會》