FASD-----神秘部門和不可告人的秘密計畫: File 002: 年度選拔賽(1)
「雪姐，依家6點啦，你快啲返屋企休息吓啦，唔好咁chur啦！」
我下屬Iris今晚約咗屋企人食飯，所以6點就要走，算啦，我都係等埋JJ鏈同阿賢先一齊食飯。
我係林曦雪，FASD總調查主任，至於我等緊個兩位，一個係我男朋友阿賢，另一個係我地既巴打JJ鏈。
「雪，你去附近攞位先啦，JJ 話要執埋啲野先走！」
「ok!」
呢度係FASD既總部辦公室，外表睇落係一間小型公司辦公室，不過我地呢個部門係要隱姓埋名既...反正全香港剩係得幾十人知道，我地係離任之後仲要簽保密協議，一爆響口就要死。
「賢，雪，你地係第一年搞年度選拔賽，係咪好chur先？」JJ嘗試以食花生既角度引我入去打獲佢。
「我地今年用咗『全港科學菁英挑戰賽』既名，匿名send咗invitation letter俾100個中學生，要佢地解謎，集合地點係長州」阿賢幫我用奇怪既手法頂住JJ啲奇怪問題
「老友你都答非所問。」
「咁先match你個style嘛！」
呢兩個男人，唉，我都係去攞位先