愛情到底係合久必分定合久必婚: 第一章

「You just want attention, you don't want my heart.
Maybe you just hate the thought of me with someone new.」
我，一個慢步返緊學校既中4學生，望住空蕩蕩既街道，終於有一刻覺得香港少左啲人呼吸都順暢啲喇。
唔係...點解條街咁少人既？返學喎喂...我睇一睇手機。
死！遲到！我即刻除低左我耳機，諗住扎定個馬開始最後100m沖刺。
點知我聽到後面一陣急促既腳步聲，嘻嘻，原來有人同我一樣遲到，睇下係邊個好兄弟先。
哦，原來係位女兄弟，既然大家一樣身為遲到兄弟，真係要同佢好好結識下。
「喂，早晨啊呢位同學，睇黎你都遲到喎，有無興趣一齊返去，就算比老師鬧都無咁柑啦。」
嗯....我連同學呢個字都未講到，個位同學已經係我身邊跑過左...
被逼望住佢既倩影跑既我，跑到氣呵氣喘終於跑到返學校，好彩無人check我有無遲到姐。


我望一望手上個張轉學證明書，4c班。
好，我既新中4生活要開始喇！大家好，我叫Albert yip，咁多位叫我牛柏業得嫁喇！