愛情到底係合久必分定合久必婚: 第三章

「咁多位同學，今日第一日返學，同你地介紹返先，我姓王既，大家叫我王sir得嫁喇，我地調左位之後再自我介紹下自己啊。」我既光頭班主任黃sir同全班講，並且開始show個sitting plan出黎喇。

睇下先，我坐中間個行第一個喎，睇下我隔離位既係邊個先。（yes,原來頭先個個位係臨時既，又有得重新調位，今次唔洗同o’neal坐喇，顧仁生？男人黎既？）我拎住個書包慢慢行去自己個位拉開張櫈坐低，同一時間我既新同桌顧仁生都坐低左，佢望住我微微一笑，點一點頭打左聲招呼就轉過頭，同佢班friend傾計喇。嗯，就咁睇落應該係一個易相處既人。我望一望後面，一對毫無感情既眼同我對視左一眼，個時既我心諗，（我都唔識你，做乜要啤我）所以我啤返佢轉頭，再另一另轉頭望佢既同桌，發現佢好似好厭惡同呢個人坐咁。
「喂，阿寂，做乜又同條女散啊，你呢半年拍左5，6次散拖喇喎？」顧仁生對住坐係我後面個位同學講。
（原來坐我後面呢個同學就係頭先係走廊搞左一場風波既男人）
「你顧掂自己先啦仁仔...」
「你咁樣落去唔係辦法喎，你定下性唔好再去flirt女啦。」
顧仁生同佢講完就另返轉頭同我講。
「同學仔，你叫咩名啊，睇你個樣似係岩岩轉校過黎喎。」
我聽完諗左諗：到底點樣介紹自己先會令到人記得我同時又好笑呢？


「係啊我係岩岩轉校黎既，你叫我Albert得嫁喇，加上我姓葉，你可以叫我Albert Yip。」
「哦，牛柏葉啊，牛生你好啊，我全名係顧仁生，你好似後面條友一樣叫我仁仔得嫁喇。你岩岩轉黎我地學校有咩都可以問我，就好似你後面個個咁，佢係我地學校既風雲人物黎嫁，拍拖次數過50次啦，平均一個月拍一次拖，我建議你都係唔好接觸佢喇，等陣你學佢咁溝女法，我地學校啲女就無晒喇。」
阿寂聽到仁仔講佢都無咩反應，淨係望左佢一眼就尾埋眼閉目養神。
仁仔，就咁成為左我係學校既第一位朋友。

以上兩個角色係本故事十分重要既人物，接下黎幾章會介紹我地其他既角色，並且，正式開始故事。