我拒絕了韻兒的邀請

在溜冰場的一旁與阿仁繼續練習

但是,我視線始終離不開韻兒
所以總是失神地跌倒

「喂阿佬,你精神啲啦,你咁練法會整親架」
阿仁終於看不下去



「得啦,我一定要練到架..我唔想喺佢面前咁失威啊..」

「我明啊,正所謂欲速則不速,你慢慢黎先啦」

我再次由步行慢慢開始練習
Marco每次看到我跌倒,總是帶著恥笑地看過來

我真的很不甘心...

「阿康,你無事嘛?」


韻兒前來問道

「我無事啊」

「喺呢,點解你會學溜冰嘅?」

難道我跟你說我為了你所以才來學嗎?

「.....因為我朋友阿仁話溜冰幾好玩所以試下囉」



「但喺你成手都損哂喇喎」

「我無事,喺呢韻兒你又會黎玩溜冰嘅?」

「喺啊,Marco同埋其他同學約我黎嘅,
佢地陣間諗住去埋睇戲啊」

「喺啊,好啦你玩得開心啲」

我望著韻兒再一次回到Marco身邊
面對一次又一次學不好的自己
不甘心,真的很不甘心...

「佬,抖下先啦..練咗好耐喇都要休息下
可能休息完會好啲呢」



「嗯..」
阿仁陪伴著心灰意冷的我離開溜冰場,在場外休息

「喂喂!你睇下個個喺唔喺阿欣啊?」

阿欣,是我倆在中學時的女班長
如果我們四兄弟在中學時代代表海賊的話
她則代表正義的海軍。

不久,她也發現了我倆
向我們走近

「你地兩個又會喺到嘅?好耐無見啊」



「成年無見喇阿欣,又會咁岩嘅」

經過寒暄一番後
我和阿仁都發現
阿欣比起在中學時代成熟了許多

不只在外表上的轉變
行為,談吐舉止都像我們的師姐

「喺呢盧偉康,你地兩個又會黎嘅?」

「我..」

「佢本來想學溜冰威比佢女神睇,點知衰咗囉」
阿仁搶先一步地回答



「屌..唔好提喇..溜冰真喺唔岩我玩」

阿欣笑了笑說道
「不如你話比我知等我幫下你丫」

我把整個故事告訴了阿欣
過程中她沒有像女班長般找我的錯處
而是靜靜地把整個故事聽到最後

她是個很好的聆聽者
我想,是我們四兄弟在中學時誤會了她吧

但我更想不到
當我指出場內的韻兒是我的女神後


她竟然說
「唔喺下嘛..Angela喺我同學黎架..」

「唔喺咁橋下話...TVB劇咩?...」
連我身旁的阿仁也忍不著說出這土氣的對白

「聽你咁講,即喺你話岩岩比人恥笑就喺Marco啦」

我點了頭

她則繼續說
「咁又難怪你,全級都知Marco喺冧Angela架啦..」

果然,我感受到Marco的敵意是來自對韻兒的愛慕

「佬,咁你點搞啊...人地又大隻又靚仔..無架喇你」

「喂!羅卓仁乜你咁架,你兄弟依家咁Sad你仲講埋咁嘅野!」

「咁喺丫嘛..欣姐你幫下佢喇..」

唉...莫非我真的要在這裡退下來嗎..
不行!!快想辦法,
盧偉康,之前的計劃不是很成功嗎?

「咁喇,我都有個方法可以幫下你.....」
阿欣對我倆說出一個辦法。

........




......




....
17:30pm

作戰開始

我們和阿欣交換了聯絡方式

首先,阿欣韻兒她們合共四人各買一張戲票

E行5至8號

韻兒E5 阿欣E6 MarcoE7 那個誰E8

我和阿仁則買了後座F1及F2

最後我和阿欣交換了戲票,可以光明正大坐在韻兒旁邊
希望可以在這裡挽回一些分數

這是我在當時18歲最勇敢做的事
回想起,幸好我有那份傻氣

不然,結果也許會不一樣

她們四人入場後計劃正式開始

「E行..E行...5至8..Angela呢邊啊」
Marco踴躍地探路

「好啊我見到喇..」

「我去一去廁所先,我有少少急啊」
阿欣假裝要上廁所

此時Marco眼見韻兒旁邊有一個空位
機不可失,正想調到鄰座時

「...SoSorry..呢個位喺我架..」
我出現了
應該說,我特意看準這個機會
希望可以「型返次」。

「阿康?你又會喺到嘅?你追蹤我地啊..哈哈」

「喺囉師兄,呢個位喺我朋友買架,你會唔會搞錯咗呢?」
Marco的眼神極度憤怒
看來我真的壞了他好事

我把手中的E6戲票給他們看
Marco才閉上嘴 臉露不悅
然後,我坐在韻兒旁邊

韻兒開始時都不知發生什麼事
只是一直地傻笑
一直說我是低能兒

直到阿欣回來,我給她一個眼色
韻兒才洞悉所謂何事
而阿欣則前往後坐與阿仁同坐

Marco眼見這情景,再也忍不著了
他悄悄地跟我說,
「康師兄下話,呢鋪你好野..
不過Angela我追硬架喇你等食塵啦」

「我唔會輸比你..」
我輕輕地以六字回答
我的決心,絕對不會給任何人動搖

「喂阿欣,點解你要幫佢嘅」
阿仁正在吃我請他們的二人套餐

「無架,因為我見你地兩個同中學個陣都唔同咗囉」

「以前嘅你地做埋哂啲Kai野..雖然依家都喺
但喺依家嘅你地唔黑人憎」

阿仁笑了笑
把爆米花遞到阿欣手中

然後,電影完場了。

這部《五個小孩》令我身旁的韻兒
哭得真像個小孩
她哭光了整整兩包紙巾

直到完場才慢慢平伏下來

「Angela啊 不如去食飯啦!」
Marco馬上插話

「好啊,但阿欣估唔到你地喺中學同學喎
不如一齊黎丫..大家咁有緣」
在韻兒的邀請下
再一次粉碎了Marco想分隔我們的念頭

我和阿仁當然馬上說好
也不忘連番感激阿欣的幫忙

晚飯過後,眾人也各自回家
阿仁與阿欣同路,我決定單獨送韻兒
但顯然地,不只我有這個想法

但阿仁與阿欣這次真的幫不上我了
「佬,最後你加油啊 幫唔到你架喇」
「盧偉康,你今日好型啊 加油啊你掂架」

「唔該哂你呀朱仲欣,仲有阿仁,我一定會請你地食飯架..」

「你就想一餐飯搞掂呀?下次約埋你其餘兩個兄弟出黎食飯啦」

「一於咁話!」

道別他們後,我馬上走到韻兒身邊
Marco緊隨其後

沿路上,他們一直談論課程的話題
我根本搭不上話

終於來到轉角街口,
韻兒的家就在前面
在途上,我想Marco真的挽回不少分數

看他自信滿滿的表情
我相信,他真的勝券在握

我和Marco與韻兒道別後
他馬上說
「康師兄,都話你呢啲毒撚嬴唔到我架喇
唔好搞埋咁多小動作喇..Angela喺我..」

他還沒有說完
我已經向前踏出一步

「韻兒!!!」

韻兒轉身回頭

「嗯?咩事啊」

「我鐘意你!你可唔可以做我女朋友。」

這三個月來的約會及相處,
她令我發現自己的目標

知道我倆距離後
我決心讀上大學

為了她我做了無人明瞭,無人知曉
極為渺少的事情

我只想告訴她,我喜歡你
Marco的出現令我知道
我不想後悔

現在的我
再也無法隱藏那份情感

唯獨是韻兒
我絕不會讓步。

「拿,康師兄你咁樣唔岩規...規矩喎..」
Marco聲量漸漸下降

因為他注意到
韻兒,哭了。
她捂上嘴巴,淚水流下來了


我倆沒有說什麼
只見她對著我
點了頭。


 
已有 0 人追稿