簡介

經過左十年時間,內心依然中意她



先介紹下自己,我全名湯亦華,不過大家都會叫我飛機仔比較多(大概係我經常放飛機),今日係9月1日,係我升中五既第一日,對於我來講都係矛盾嘅一日,經過左暑假咁長既假期,我一方面好期待見返班老友阿偉、弱雞、機關槍,佢地同時都係我打機既戰友,但又唔想返學,所以複雜既心情入學校門口,由於有編班,所以勁多人湧去壁報板睇自己編去咩班。係我心諗咁撚多人,點撚睇既時候機關槍、阿偉、弱雞就突然係我面前彈出來
機關槍:「飛機仔幫你睇左啦,你今年編左去B班喎,我地3個繼續C班」
我:「吓,唔撚係呀....」
弱雞:「正啦,B班多女呀」
機關槍:「你就爽啦柒頭」
對於我來講一啲都感覺唔到爽囉,就好似去到一個陌生既地方冇分別,同佢地3個中一到中四都同班,而且我同B班既人都唔熟。
阿偉:「怕咩喎B同C班都係隔離,何況去到B班一次生兩次熟三次就....更加熟」
我:「吓」(竟然知我諗緊咩)
同佢地吹完水,我地就開始返自己既課室,入到去全部人都唔熟,就係我仲諗緊坐邊好,坐係窗邊既一個女仔大聲叫我全名,我望過去先發現係李詠晴(大家都稱呼佢阿晴),我同阿晴係由小學就已經認識,不過就唔係太熟,升中學都係同一間學校,中一至中四大家都唔同班,所以都冇咩野傾,見到面都係微笑點下頭,不過由於我地中四選修科目相同先有機會傾多左計。
阿晴:「湯亦華,原來今年同下年我地都同班,勁喎來左B班,我隔離冇人坐,過來一齊坐啦」學校規定中五之後就唔會再編班


我:「我就行左埋去佢隔離個位坐低左,我都唔知點解編左來B班,照住我喎」
(當我一坐低時,感覺到周圍都係殺氣)
阿晴:「講呢D」
依一刻我其實勁開心,開到到已經形容唔到,因為阿晴係我由小學就已經中意佢,而且E嫁終於可以同阿晴同班。開學日都係不外乎收下功課、講下通告同埋處理班務,之後都係同阿晴吹水,由於前一晚打通宵機吹吹下水我就訓著左,直到放學阿晴拍一拍我膊頭叫我起身走人。
阿晴:「不如一齊食d野先返去」
我:「okay」
已有 0 人追稿