「東英」奔雷虎 : 耀揚: ( 2 ) 「四九皇」

水靈口唇含住手中長長煙嘴，深深扯入一口煙，似乎，沉思考慮著點樣解決「日本問題」，因為，的確唔容易啊。

日本，始終係人哋地頭，即使能贏得今次困擾，難保日後日本幫派不會重回，唔通要長駐社團得力大將，喺一個「油水」不多的地方嗎？ 況且，海外之地，從來不會進供公司任何利益，只是一個供給門生「著草」或移了民的地方。但若是不理會，始終公司牌頭面子，又不能不救。

水靈吐出口裡如霧濃煙，其中一團，不經意間化成一個煙圈，就因此圈，突然間叫水靈靈機一觸。。。一個人，一個地方，即時浮現喺水靈腦海。。。回憶到一年前「圍村」，水靈曾經遇上一個二十多出頭嘅男子，面帶點邪氣，好像天生出嚟，就係要食偏門飯，偏偏因為係圍村嘅男丁，所以食飽無憂米，不過卻恭敬拜見水靈，自稱係東英「四九」，名叫「耀揚」。

不過當水靈問及耀揚「大佬」係邊個時，耀揚卻回答，「我跟過五個「大佬」，佢哋全部都死哂，之後，就無人肯再收我，所以，我冇「大佬」嘅。」

水靈倒聽過社團中，有一個人稱「四九皇」，啲大佬畀佢跟一個，死一個，原來就係眼前此人，果然畀人一種不同凡響感覺，叫水靈另眼相看，問：





「你就係人稱「四九皇」嘅耀揚？果然一表人才，唔知，有乜嘢我可以幫到你呢？」

耀揚回答：「水靈祖師太果然識通人心，一眼就知我有事相求，我想拜水靈袓師太為直屬門生。」

水靈只平靜回答：「為何呢？你喺呢區，即使其他「大底」，對你都退避三舍，已經橫行無忌啦。」

耀揚眼目光一閃：「因為我知「東英五虎」，尚有一個空缺。若然我直屬於你，能坐上五虎之位，就理所當然啦。」

水靈明白耀揚心意：「哈，年輕人，你都諗得幾周詳，想以捷徑方法去坐五虎之位。。。不過，想成為「東英五虎」，係要靠實力，而唔係靠關係。」





耀揚雙目直射水靈兩眼，完全唔似一個四九會員，望看比龍頭地位更高嘅幫中元老：「我有實力，我同以前五個大佬去跟仇家開戰，戰勝嘅，不計成數，戰敗嘅，大佬條屍都係我攞返嚟。。我想要嘅，只係水靈祖師太畀個機會我，去証實自己。」

水靈聽到，望耀揚最後一眼：「耀掦，以你嘅才幹，我相信將來你一定有機會，不過社團有社團嘅規矩，辦事要按步就班。今日，我就以你以往嘅表現，叫你頂爺升你為「大底」，至於其他嘅事，日後你可以靠自己嘅實力，爬上五虎呢個位。」

當水靈吐出嘅煙霧完全消失時，水靈已經決定到下一歩應該點做：

“ 駱駝，安排一吓，我想到圍村食枱「盤菜」。”

駱駝仍然都係擺出一如以往嘅戆居表情：“ 水露姐，我哋好似仲未傾掂日本單嘢喎？不過，食「盤菜」？好啊，成年無食過。”





水靈再加一句： “ 記得招呼埋嗰區嘅「大底」，難得去到嗰頭，相聚—吓。”

駱駝：“ 水靈姐，就係永遠都咁得人心嘅。”


∼ 待續 ∼