「東英」奔雷虎 : 耀揚: ( 14 ) 水靈的「迷」人
耀揚有一個習慣，或者應該講，佢其中有一個習慣，就係喜歡「演嘢」，因為佢喜歡特出自己，佢喜歡受人注視，佢嘅才華，實力，智慧，從來唔會隱藏，因為，佢覺得自已每樣事，都幹得高人一等。
所以，公眾場所彈琴，為咗引嚟羨慕欣賞眼光，已經係經常嘅事，超級跑車招搖過巿，目中無人，試問，如果佢無咁嘅實力，江湖地位，可以享受咁嘅「耀揚駕勢」嗎？
而家，佢彈嘅，並唔係酒店大堂經常奏起嘅「莫札特」或「貝多芬」，而係甚有中國傳統氣勢嘅一首曲。。
奏至中途，水靈已經被琴聲所吸引，由二樓落嚟至鋼琴邊，以欣賞目光，微笑地聽著，耀揚當然享受呢種目光，不過，佢更享受水靈只穿絲質浴袍所顯示出嘅身段，特別係好明顯未有著上胸圍嘅堅挺乳房尖端 ，將浴袍絲質布料凸起。。
直至一曲終結，水靈輕輕拍手：
＂好，真好聽，用西式鋼琴，彈出「將軍令」嘅氣勢，我都係第一次聽。。估唔到「奔雷手 ~ 文泰來」後人嘅一雙手，竟然，連彈琴都咁出色。＂
好明顯，水靈已經起清咗耀揚個「底」，而耀揚，雖然平素好少同人提及，不過，佢係自豪自己嘅家族背景，所以，由細到大，都已經知道自己一生走嘅，將會係一條「江湖之路」：
＂多謝水靈姐讚賞，不過，我係依「男兒當自强」嘅曲譜而彈。。「將軍令」，我睇，等我當上「五虎」之後，或者會改彈「將軍令」嘅。＂
呢句說話，到底意思著乜嘢呢？係想話「水靈，你哋嗰「套」已經 out，由我呢代嚟接吧」，定還係想話「水靈，我必定會成功而回，坐上五虎之位，成為大將呢」？
只有耀揚自己知。
唔係，水靈看透塵世，呢啲語帶雙關嘅「小遊戲」，又點會在意呢：
＂好，希望，好快就能夠聽到你彈出真正嘅「將軍令」啦。＂
耀揚：＂成你貴言，水靈姐似係知音之人，唔知我今日有冇耳福都可以聽到水靈姐一奏呢？＂
耀揚講完，就起身讓出「琴位」，不過水靈卻回答：
＂噢，個琴係我送畀個小徒弟嘅，我唔識彈鋼琴嘅。。呢，就係相裏頭個小妹妹，佢好想學琴，所以咪送個畀佢，不過個丫頭係都話要自己賺錢買。＂
水靈係咪亦都係仍然影射緊耀揚上次想借「關係」上位呢？回應番剛才耀揚暗示自己「老」呢？
的確，耀揚覺得水靈嘅年齡，確實係一個「迷」，輩份咁高，年紀一定唔少，不過。。外表仲好迷人啊，只要係男人，都一定被水靈所迷住。
而水靈之所以有今日，亦因為佢對男人，很有辦法，其中之一法，就係迷住佢哋。
唔單止得到地位丶權勢丶金錢，甚至乎呢個迷人嘅軀殼，都由男人而來，無錯，水靈係懂得「取陽補陰」之術嘅。（原來係跟精通「矛山術」大徒弟所學返嚟）
而駱駝，呢個跟水靈長大嘅「義子」，由年輕初回港時，水靈好似比佢大十多年，至現在，駱駝外表竟然相反地「老」十年，當中，水靈或者幫駱駝「成長」唔少啊。）
水靈：＂係呢，耀揚，駱駝話你想見我。。依家，我就喺你面前，唔知，你有乜嘢事呢？＂
水靈說話時候，坐落耀揚讓出嘅半張長椅上，長腿一撟，一條腿，剛好就由浴袍露出嚟。即使耀揚一直無「非份之想」，但，剛才凸起嘅乳頭，而家嘅大脾，水一般柔嘅眼波，如花體香。。到佢唔諗嗎？
耀揚睇到吞口水，水靈幾滿意耀揚有啲「失控」嘅渴望神情，心諗「你條撚樣唔係不可一世，自視好高嘅咩？哼，喺老娘胯下，所有男人都只係一條「狗」，哈哈」。
耀揚就係咁，被水靈「舉手投足」動作間，一時唔記得自己點解要嚟見水靈。。但，此刻腦裏頭，只係好想講「我聽日就去日本替東英做嘢。。水靈姐，你可唔可以畀我執番三四劑，算做慰勞又好，送行亦好。。屌，總之就想屌你一鑊甘嘅，就算同你「賣命」嘅代價吧。」
雖然未有講到出口，但大氣間，就凝住呢股氣息，水靈又點會感覺唔到吖，見耀揚未有回答，水靈繼續：
＂其實，當我知道你決定去日本替公司辦事，我都希望能同你一聚。。起碼。。起碼或者你有乜嘢需要，我可以幫你完成或安排，不過，不如一陣再傾呢啲。。剛才，你咪話想聽我奏曲嘅？
咁。。。你跟我上樓上啦，我玩嘅「樂器」，喺我間房。＂
～ 待續 ～