Miss，唔好意思，份功課我夾埋個心比你OK?

「哈哈哈！留級啊？咁廢架你？」

「你以後都係唔好同我地一齊玩啦，我地唔係咁想同中四生玩囉！哈哈哈！」

「唔好望住我啊，你知我不嬲都跟大隊架啦。」

「算罷啦六師弟，過主啦，中四生！」






  ……………………………嗚！！！

「哈…哈…深呼吸，深呼吸！」又是該死的夢，這星期的第三次了。

「媽！有無野食啊？」我把牙刷好，衣服換好後走到樓下。肚子實在太餓了。


 我走近桌子，看到一張紙，寫著：「出左去。雪櫃有飯。」



 老爸的工作需要長時間離開家中，一天大概只有那短短六小時回來。洗澡吃飯一小時，睡覺五小時。

 基本是連話都不是很能談到，但我知道他是為了這個家，所以我沒關係。


「好啦，拿拿臨食埋個飯番學，畢竟我今日讀中四呢，嘿………」無奈的自嘲，與只有我獨在其中的房子形成了一幅畫。


  而跟獨身一人的房子形成強烈對比的另一邊。




「慘啦，慘啦，第一日番工竟然遲左起身，我唔想遲到啊！」一個焦急的年輕女性在擠擁的街頭上跑著。

「唔好意思！」

「唔該借借！」

「Sorry！小心！」

「呼…呼…呼…呼…」

「終於趕到呢一班車，遲到就慘啦，印象分印象分。最緊要印象分。」這位年輕女性的喃喃自語。

「鈴…鈴…」無人話語的巴士響起一道聲音，是電話的鈴聲。



「喂？華姐？我OK啊，應該準時番到去啊，我今朝差啲起唔到身啊！諗到終於可以成為一個老師，我尋晚真係訓唔著。」電話另一邊一位叫華姐的女性致電問候。

「你呢？咁早起身嘅？喔，去買餸？哦哦，我就到啦，遲到再約你食飯啦。嗯，拜拜。」通話結束，寂靜再起。


『嗯………到就到左啦，但學校實質嘅位置係邊啊？應該係附近架啦啵……死啦死啦，得番兩分鐘咋！』年輕女性的心再次焦急起來。
 
『  我     唔      要    遲    到    啊 ！！！！係啵，問下前面個男學生先！應該會知掛？』年輕女性心裡想著。

『佢係咪中學生黎架？如果他著便服嘅話，同大學生都幾似。而家啲小朋友發育真好，唉~~』


「唔好意思，我想問下『XXX中學』係邊啊？」

「……………………係你後面。」這位男學生向著年輕女性的後方指著。一臉無奈。



「……………………噢…………唔該你。」


『嗚哇，尷尬死人啦！咁大間學校我都睇唔到！路痴有無得救？路痴有無得救？唔通路痴仲有得救咩？都係快啲入去先。』年輕女性的心裡話跟形象有點兒不合。


「林曉宜！」那位男學生從後喊出了一個名字。

「咦？你…點知…我個名？」


『跟蹤狂？跟蹤狂？唔通佢唔係跟蹤狂咩？』林曉宜臉上稍顯驚訝。




「…………你跌左八達通同身份證係地下………嘿。」男學生用手背遮著嘴竊笑了一下。

「唔…該…你笑乜野啊？」尷尬到極點，反而令林曉宜有點生氣，始終她是大人，眼前這位是個學生，被笑感覺還有點差。

「Sorry，我只係覺得你好可愛。」男學生道。

「……………我…走先啦，唔該哂你！」林曉宜臉上泛起紅暈，原因有二：尷尬，害羞。




『咩可愛啊？可咩愛啊？愛咩可啊？我明明係個出左社會嘅大人，竟然會係中學生面前不小心跌左身份證同八達通！』

『 仲要比佢笑，仲要比他一句說話搞到咁驚慌失措，一定係惡夢！一定係惡夢！唔通呢個唔係惡夢咩？』
 


『 頭先個學生係學校一定有好多女朋友，肯定係花花公子啦，竟然講完果啲野臉都唔紅下！』

『一定係個萬人迷啦？畢竟，似模似樣嘅。』林曉宜心裡一段瘋狂的自言自語。



「你好！我今日係第一日教書既林曉宜！多多關照！」


『好！充滿精神嘅打招呼，印象分GET！』林曉宜的心裡話。


「你好你好，唔洗鞠躬，好有熱誠既一位新老師啊實在。跟我黎，我帶你認識下啲環境同埋你要點做。」一位看上去有相當資歷的教師開始帶著林曉宜到處逛。

「咁你一陣呢就要………跟住呢…………咁你個位就係………教既班呢…………最緊要係………同埋…………」老教師的講解簡短精要，只用五分鐘讓林曉宜知道要怎樣做。



  叮噹，叮噹，叮噹，叮噹。上課的鐘聲響起，同樣是緣分的大鐘敲響之時。


「嘰呢咕嚕嘰呢咕嚕嘰呢咕嚕嘰呢咕嚕。」班上同學聊天的聲音此起彼落。林曉宜充滿信心的走進課室。

「大家好！我係今個學年嘅新Miss，教你地中文嘅，叫我Miss Lam就可以啦，咁全名呢就係……」

「林曉宜。」一位男學生緩緩的道。

「?????????????????」林曉宜馬上找出聲音的主人。

「係你？」林曉宜臉露驚訝。

「Miss，你好，無遲到啊嘛？」真的沒想到早上要我指路的人竟然是我的老師，世界真細小。



 說真的，這個Miss既年輕又可愛，反應全寫在臉上，想不到第二個中四，也可能會挺有趣的。
  
 林曉宜，嗯，名字好像有點熟悉。是不是在什麼地方聽過？