紙言

是咁的，我嘅職業係ptbf: 4.羨慕我



波波怕醜，唔係好出聲

佢話自己未拍過拖，唔駛講，我睇得出

「行咯，我地去食野丫。」

我拉佢隻手行

我發現我嘅手掌，圈唔住佢粗壯嘅手腕



沿路都係我拖住佢走，佢好被動

佢望一望四周嘅人，揈開我隻手

「好多人望住你⋯⋯」

「我靚仔丫嘛。」我講個笑打圓場

「唔係⋯⋯係因⋯⋯因爲你拖住我⋯⋯」



真實嘅原因，仍然比佢一語道破

波波望住地下

我捧起佢塊肉肉面珠登：「因為佢地羨慕我。」

「吓？」

波波完全唔明我講乜，我繼續講落去