是咁的，我嘅職業係ptbf: 17.分別

我幫兩位無辜百姓叫咗白車之後，就同波波繼續行

佢耷低頭，好似好內疚咁

「無野喎，佢地死唔去嘅。」

我都係死咗一半啫

我拖住佢漫無目的咁行



兜咗一陣，佢就問

「其實，我係咪好乞人憎？」

經常問問題嘅人，只係太無安全感

「我識好多肥婆，有啲相識滿天下，好多朋友，好似肥姐咁。但有啲呢，就犯眾憎嘅，個個篤佢背脊，又無乜真心朋友。」

波波繼續聽



到而家，都淨係我拖住佢隻手

佢一次都無回握過嚟

「你知唔知，佢地嘅分別喺邊度？」

佢擰擰頭