是咁的，我嘅職業係ptbf: 54.你想食咩？
我同阿螢喺超巿買材料，佢話今日想煮餐飯我食
「bb呀，你想食咩呀？」
「午餐肉唔錯丫，我好耐無食過。」
阿螢甜笑：「好啦。」
然後佢彎低身，拎咗罐豆豉鯪魚，放入手推車
「bb呀，你想飲咩湯呀？」阿螢指住啲罐頭湯
「唔，忌廉蘑菇湯好似幾正。」
「得得得。」佢笑笑口拎咗罐羅宋湯，放入手推車
「嗰個女人係咪痴線架？」
「陰公，咁靚女竟然傻傻地⋯⋯」
喺旁邊經過嘅師奶見到我地嘅互動，都直接得出阿螢係痴線嘅結論
阿螢咬住下唇
我將佢拉埋我身邊，摟住佢
「我明，你唔駛理佢地。」
錫左阿螢額頭一啖
佢由下而上，用水汪汪嘅眼望住我
「你⋯⋯真係明？」