是咁的，我嘅職業係ptbf: 61.也許，至少

我陪阿螢一齊洗碗

佢話自己唔鍾意洗碗

以前嘅碗碟都係ex負責洗

「我好想問，係咪我洗哂啲碗，佢就唔會唔愛我？」

阿螢將所有做得唔夠好嘅事放大一百倍



我想講，就算由一開始，所有碗碟都係你洗，要走嘅人仍然會走

「就算你唔洗，我都愛你。」

佢額頭伏喺我膊頭

「如果嗰陣，我同佢一齊洗碗，你話幾好呢？」

「而家有得同我一齊洗，都幾好丫。」



我將啲番梘泡點落阿螢個鼻度

「金仔，明天，你還愛我嗎？」

「你搵我，我咪愛。」

佢錫我

也許，明天我就不愛你



至少，今天的我愛過你