是咁的，我嘅職業係ptbf: 64.有咩用？

翻到屋企，老豆今晚無翻嚟訓，唔知佢又去咗邊度玩

我沖個涼，死翻入房，將啲錢收喺櫃筒個鐵盒入面

雖然唔係話會今世衣食無憂，但其實我就算做年幾兩年全恥廢青都無乜問題

我望住堆錢

咁多錢，到底有咩用呢？



我喺腦入面搜索我想買嘅野⋯⋯無

再諗下想去邊度旅行⋯⋯無

我有咩正野想食呢？午餐肉囉，貴極都係幾十蚊啫

對上一次，覺得想要好多好多錢，係因為咩事？

「你養我呀？」



「我養你囉。」

我想養你，所以要很多很多錢

啪！

我用力閂埋鐵盒