是咁的，我嘅職業係ptbf: 80.因為我不想

金仔依個名，係阿螢不知不覺間叫出嚟

然後可能係叫慣咗，就一路咁叫

聽講，你開始鍾意一個人嘅時候，就會想叫佢叫得親密啲

所以而家，我諗阿螢應該終於諗通咗，同我之間嘅關係

「你⋯⋯可唔可以陪住我，到我訓著咗，先走？」



「可以呀，你做bb仔得架喇，等我氹你訓啦。」

佢微笑，拉住我入房

我地兩個訓喺床，佢挨住我

依然係咁性感可人，身為男人唔食咗佢真係好對唔住細佬

但係，佢已經傷夠喇



其實，埋單之後，呃佢話我係真心，就可以同佢啪啪啪

然後阿螢就會期待同我嘅未來，再知道原來同我無未來

用虛假嘅承諾欺騙一個重傷嘅真心，我做唔到

所以，我寧願踐踏期望嘅嫩芽

說真話，因為我不想，傷得你更深