是咁的，我嘅職業係ptbf: 96.羨慕

「如果你真係只愛你女朋友，咁搵ptgf又有咩問題？你都唔會鍾意假嘅女朋友架啦。」

alex摸住下巴，又用另一隻手喺個光頭度打圈

個動作好似抹緊水晶球咁

「但係甜甜知道咗會唔開心架喎。」

「唔好比佢知咪得。」



「吓？咁唔得喎⋯⋯」

「有咩唔得呀？」

「我愛佢，我想咩都比佢知架嘛。」

我呆咗咁望住佢

「唔係咁嘅咩？」佢兩隻手搓自己個禿頭



「alex，你今年幾大？」

「吓？我廿六歲喇，但上網測心智年齡話我得十三囉。」

我今年先廿三歲，但心智年齡，係六十八

「甜甜係你初戀？」

「無錯！」佢挺起胸膛，好自豪咁講



啊⋯⋯⋯⋯

唔知點解，我有一瞬間，好羨慕眼前依個四肢發達，頭腦簡單嘅傻仔

不知為何，我心裡突然這麼想

甜甜，請你別令這個男生長大