是咁的，我嘅職業係ptbf: 108.傀儡師說

「嗯？你笑咩？」

「你個禿頭好似一拳超人。」

「哈哈！又真呀依個！」

我伸出手，搶走佢本筆記，撕走今日嗰兩頁

「呀？喂喂喂！做咩？」alex好似個玩具比人整爛嘅小朋友咁樣



「我諗，你唔需要依啲野。」

我唔想alex比虛假污染

「但⋯⋯但係⋯⋯」

我未等佢講完就話：「如果聽日甜甜同你講，咁你唔夠飽架喎，而你答飽唔飽唔重要，重要嘅係同你一齊食，咁嗰個根本就唔係你。」

嗰個只係我由投影出嚟，虛假嘅甜言蜜語



我唔想為白紙寫上黑字

「甜甜愛你，係因為你係你。」

如果佢照足我說話做，咁甜甜愛嘅人，其實只係alex背後嘅傀儡師

若成為木偶，注定沒有人會愛

於是，傀儡師剪斷絲線



傀儡師對木偶說，自己起舞吧