是咁的，我嘅職業係ptbf: 121.小雞

「所以你決定將啲雞蛋放翻喺同一個兜喇？」

牛奶妹見我用翻佢以前用嘅比喻，笑咗出嚟

「係。無法啦，愛咗就係愛咗。講真，有啲驚。」

「咁又係，你得翻一兜雞蛋。」

「希望佢地唔好爛。」



「好危險架，你自己最清楚啦。」

「係呀。道理我明呀，我都叫自己唔好咁傻，偏偏就係傻咗。」

總有一個人，令你打破原則

總有一個人，令你只想全心全意，抱住一盆雞蛋

「就算係而家，我都每分每秒諗住同佢見面。咁講你好衰，但係我⋯⋯我好後悔今日同你出嚟，一路諗依兩個幾鐘，如果同佢一齊而唔係同你就好喇。」



「咁就唔好再搵我哂時間喇，走啦。」

「點都好，多謝你。」

「傻啦，你比咗錢架嘛，我多謝你就真。」

牛奶妹轉身離開

我望住佢嘅背影，就好似筆直向目標衝過去嘅短跑手，每一步都係咁強而有力



試過愛上一個人，就唔會止步於粗製濫造嘅拍拖感覺

心靈嘅空虛得到滿足，就唔再需要ptbf

「希望你盆雞蛋唔會爛。」

當雞蛋都化成小雞，你就不會再寂寞了