是咁的，我嘅職業係ptbf: 151.曲奇餅

當我翻到屋企樓下，竟然見到阿螢喺度等緊人

「喂，喺度嘅？等緊邊個呀？」

「等緊你。」

「等我？你無約我架喎。」我拎手機出嚟翻查wtsapp，佢真係無搵過我

「係呀，諗住比個驚喜你丫嘛。」



想點呀？

阿螢遞出佢嗰袋野：「曲奇餅嚟架，我焗架，比你食丫。」

「好似唔係咁好喎。」

「得架喇得架喇。」佢夾硬塞咗袋曲奇餅比我

「我唔食曲奇餅架。」



「都話驚喜咯，你收咗先啦。」

阿螢趁我未嚟得切反應，錫咗我塊面一啖，然後就跑咗去

「喂，錫我收錢架！！」

「今次小驚喜當我比咗錢啦！話哂我都係熟客！」

佢回頭大叫，已經跑得好遠



我拎個食物盒出嚟

唔怪得阿螢話係驚喜

盒入面嗰啲根本唔係曲奇餅

係午餐肉