阿文話,從前有一個男仔,佢嘅職業係幫人寫遺書

咦?我係咪喺網上見過類似題材嘅故事呢?

橫掂我都唔睇書,就由得阿文講依個故仔我聽,睇下咩料

咁依個男仔一直都有一個社工負責緊

社工好反對男仔幫人寫遺書,佢認為咁做係鼓吹人自殺



但估唔到,正正因為依個男仔嘅工作係寫遺書,所以最後佢先靠自己嘅依種能力,去拯救自己最愛嘅女仔

「你講完等於無講喎。」

「我只係想講,或者你而家做緊嘅工作,就算世人唔認同都好,或者都可以拯救到⋯⋯一啲人?」

「我老豆叫雞多,ptbf我諗佢實不了。」

「你嘅價值觀係女人搵ptbf,係因為個心寂寞。而男人叫雞,係因為碌尻寂寞,係咪?」



我點點頭

「你嘅工作,一直都係去填補嗰啲內心嘅寂寞。咁⋯⋯你覺得叫雞嘅男人,係咪就百分百,一定絕對唔會有可能係,個心寂寞呢?」

將依個世界一刀二分,一切都會變得簡單

但簡單,唔代表係現實

會唔會⋯⋯我一直以嚟都只係先入為主咁覺得老豆係隻雞蟲?



佢又會唔會⋯⋯曾幾何時,真係覺得寂寞呢?

阿文捉住我對手:「啱架喇,思考啦,你一定會搵到答案。」

佢輕輕拍一拍我手背

「選擇權喺你手度。」