是咁的，我嘅職業係ptbf: 177.腐朽

「你唔覺得一日嘅浪漫，相比行一世睇住另一個人腐朽，前者靚太多喇咩？」

或者啦

不過相處得耐就一定代表另一個人會腐朽？

「你係咪見過一個人，慢慢腐朽？」

「吓？」阿純側身，用手枕住頭，望向我



「無呀，我只係諗，如果回歸到我地第一次愛人嘅時候，明明唔會諗咁多野，比較咁多。只係純粹為愛而愛，甚至天真到會諗一生一世。」

若你不曾見證腐朽，為何會愛上一日的浪漫？

「因為一切都會腐爛，係現實嚟。」

「真係希望，我可以揞住你對眼，令你唔需要知道現實係幾醜陋。」

阿純微笑



「你都幾特別架喎。」