是咁的，我嘅職業係ptbf: 221.罰你請我食糖

我仲未知自己應該用咩心態面對奇奇

「你平時同啲客都係去依啲地方？」

「係呀，咪就係行下街拍下拖咯。」

「開房呢？」

奇奇扁一扁嘴：「你平時就係咁同女仔講野？三句唔埋兩句就講開房架？」



佢伸出手指彈一彈我額頭

「痛⋯⋯咁ptgf嚟嚟去去都係開房搞野咁架啦，唔係咩？」

只不過係美名化嘅雞

「咁我問你想做咩嗰陣，點解你唔直接講開房？如果你已經當我係雞的話。」

係喎，我早就認為ptgf係雞，咁搵佢嘅功能明明淨係開房，但點解嗰一刻我無講到呢？



奇奇好似望住bb嘅媽媽，微笑

「搵我嗰陣，你諗緊咩？」

想放低之前嗰個啲話，218，5個0，call我吖

「到最後你講咗句咩？」

我想你⋯⋯幫我忘記前度



奇奇捏我塊面：「你搵我，係解決心理需要，唔係生理需要。」

我呆咗一呆，感覺就好似完全比人睇穿哂咁

「開口埋口爆房，罰你請我食糖。」