是咁的，我嘅職業係ptbf: 226.小王子說

奇奇帶住我行去另一個星球，上面有小王子、玫瑰花同一隻狐狸仔

佢話其實玫瑰同狐狸仔並無一齊出現過

因為玫瑰喺小行星上面，而狐狸仔係小王子去到地球先遇到

「不過擺埋一齊都可以嘅，反正都係講愛情。」

我地每個人都有過一朵玫瑰



美麗，但帶刺

明明互相重視，但最後總造成傷害

我地嘗試去愛，曾經好努力，只係最後，唔知點解仍然失敗

而無咗就係無咗

「小王子直到故事嘅最後，都無再翻過小行星。」



小王子，再也沒見過b612小行星上，自己最愛的玫塊

奇奇伸手幫我抹眼淚，我先知自己不知不覺間流落靜默嘅淚水

「兒童故事⋯⋯咁慘架咩？」

佢拖起我隻手：「唔慘架。」然後指向螢光星星：「因為小王子話——」

一個人如果愛花，愛幾千萬星球間獨有的一朵花，那他只要望著星星，就會感到快樂