兩份分完一份芝士麵,我地又再出發

「跟住食神奇就實無錯架喇。」

我地拖手嘅手勢,不知不覺由尾指勾尾指,變成十指緊扣

奇奇熟練咁同阿姐落單

「靚姐,唔該一份蛋牛治烘底。」佢嘅語氣轉換成豪爽嘅麻甩佬咁



佢話,對唔同人用唔同語氣,都係一種溝通技巧

「你介唔介意我問,你有無讀過大學?」

「吓?我碩士嚟架。」

碩士?真係睇唔出碩士都要做ptgf

「你研究咩架?」



蛋牛治到手,奇奇遞比我,話今次到我餵翻佢

佢無答我嘅問題

我地就咁企喺街邊,一人一啖咁食

「你會唔會唔夠飽架?」事關我食嘅份量多過佢

「飽唔飽唔重要,重要嘅係同你一齊食。」