奇奇話佢讀應用心理學,儲緊錢去外國讀書

只要儲夠錢,就會離開香港

「所以如果有一日我突然消失咗,唔使驚。」

除咗錢依個無可否認嘅首要因素,奇奇亦希望以社工或者心理學家以外嘅身分,用佢學到嘅心理技巧,幫客人忘記愛情路上嘅痛苦

「好似你咁,你都唔記得咗之前嗰個啦。」



直到嗰一刻,我先驚覺原來我再諗翻ex,都已經無再喊

背脊嘅心因性痛楚亦唔知幾時已經無咗

「做社工同心理治療師,就好似政府高官咁唔落區處理問題。但ptgf反而比到一個身分我,實實在在咁喺客人身邊幫佢地。」

我坐起身,同佢並排坐

奇奇雙手喺身後撐住沙地,望向星空



佢係自願套上污名嘅心理治療師

「就算屋企人問我,我都直接講自己係ptgf。覺得我係雞就雞啦,無咩所謂,我知自己仲係處咪得。」

我即刻比口水噎親

「咳咳!」

奇奇豪氣咁拍我背脊:「有無咁驚奇呀?哈哈。」



「無預想過做ptgf嘅女仔會係處女丫嘛⋯⋯」

「啱嘅。全世界誤會你,都無必要解釋啦,係咪?我知自己做緊咩咪得咯。」