是咁的，我嘅職業係ptbf: 241.凡人與天使

聽完奇奇嘅自白，我開始憧憬佢所做嘅事

凡人仰望天使

「咁你呢？」

「咩？」

「咁你仲有無事？」



奇奇無奈咁笑一笑，聳聳膊頭：「唔知呀。」

佢鬆一口氣訓翻喺沙灘

係喇，唯獨你，一直仲未被人拯救

「我淨係知已經過咗去，已經過得太耐。」

「不如⋯⋯我做你ptbf，幫你忘記佢丫？」



奇奇聽完，搖搖頭

「你做唔到架。」

「唔試過點知？」

「咁你去試下啦，如果你幫到客人忘記，我咪搵你咯。」

咩都未分得清，就開始妄想嘅我，真係好討厭



我想透過拯救奇奇令佢愛上我

而奇奇幫我忘記前度，只係提供服務，一買一賣，無其他目的

掛住幫人嘅名義去達成私人目的，何等醜陋

結果我亦無成功

拯救唔到人，反而害死咗一個人

然後，凡人變成了惡鬼