是咁的，我嘅職業係ptbf: 248.如果只能講一句

奇奇一直行，愈嚟愈遠

佢將過完機嘅背囊同手機銀包回收翻，而我啱啱見唔到佢個樣

我已經無可能夠時間將我同第一個客人嘅事講比佢聽

佢唔知發生咩事，就算我問應該點做，佢都唔會答到我

我放棄掙扎



「奇奇！！！！！！」

如果你只能夠再講一句說話，你會講咩？

自己種嘅因，唯有自己承受果

係我對第一個客人有責任，錯嘅人係我，應該思考問題嘅人係我

人要為自己做過嘅一切負上責任，而且只能夠自己做



自己嘅罪孽由自己背負，所以我唔會問我應該點面對第一個客人嘅死亡

可以點做，應該點做，都必須由我自己搵答案

既然係咁，面對遠去嘅背影，我仲想講咩？

聽到我大叫嘅奇奇，停一停