是咁的，我嘅職業係ptbf: 266.無媽媽

「唔好諗咁多，只係受人所託照顧個小朋友啫。」

阿螢拍拍我背脊

「你啱。」

牛仔抆一抆阿螢裙擺：「點解佢又有爸爸嘅？」

嗯？



阿螢一時語塞，唔知答咩好

我一手想拍落牛仔個頭度，點知比佢施丹轉身避開咗

「有啲人有爸爸，有啲人有媽媽，有啲人兩個有，有啲人兩個都無，依個世界就係咁架喇，豆丁。」

「你又係無爸爸架咩？」牛仔嘅眼神好似期待住同伴咁閃閃發光

「唔係。」牛仔扁嘴，有啲失落



「我係無媽媽。」