是咁的，我嘅職業係ptbf: 268.永遠嘅悲劇

我地睇嘅係波士bb，又幾好笑

坐中間嘅牛仔仲有同場嘅細路都笑到哈哈聲

我不知不覺諗翻對上一次入戲院睇卡通片，已經係睇叮噹大電影，亦即係保全叔配音嘅最後一部電影作品

嗰一排張敬軒隻青春常駐唱到街知巷聞

我仲記得當時同女朋友去咗九龍灣星影匯睇



唔經唔覺又兩年

「時光這個壞人偏卻冷酷如許⋯⋯」離場嘅時候，佢靜靜咁唱

依個世只有唯一一樣永遠嘅悲劇

就係時間會帶走一切

「你知唔知叮噹幾時唔再係叮噹？」



我搖搖頭

「就係當最後一個知道佢叫叮噹嘅人，都比時間帶走嗰陣。」

點解依個時候，我會無啦啦諗翻起一啲咁耐以前嘅回憶？