是咁的，我嘅職業係ptbf: 272.成真的資格

隔一個位嘅阿螢起身，橫過中間嘅牛仔，去到我面前

佢用口形同我講，話去廁所

依個動作觸動我嘅記憶

因為睇叮噹嗰陣，女女臨尾忍唔住要去廁所，所以無睇到個結局

我後尾同佢講翻，叮噹最後嘅法寶，係一支藥水



飲咗藥水之後，講嘅每句說話都會變成大話

大雄用法寶教訓完胖虎同小夫，翻到屋企，佢失望咁自言自語

「多啦a夢，以後都唔會再翻嚟⋯⋯我以後都⋯⋯見唔到多啦a夢喇⋯⋯」

最後，依句說話變成大話，叮噹翻咗去大雄身邊

啪咔一聲，阿螢一聲慘叫，差啲成個人仆喺我身上



沖涼液嘅香味包圍我

「sorry⋯⋯」佢道歉，然後撐起身繼續行出去

謊言，有成真的資格嗎？