第二日,仆街,發燒

都好耐無病過,對上一次病媽咪仲喺度,應該已經係兩三年前嘅事

攞命

好彩屋企仲有啲藥看門口,我落街求其買啲野食就翻屋企食藥訓教

訓喺床上,自自然然諗翻昔日有媽咪嘅日子



「仔呀,起身啦,同你去睇醫生。」

一直好健康嘅媽咪,毫無先兆咁樣心臟病發

無最後嘅說話,亦無最後一面

以前睇新聞見到嗰啲咩隱性心臟病,永遠覺得事不關己

但要中就會中,個天唔會講定比你知,你同你重視嘅人幾時夠鐘



以為理所當然的下一次,其實悄悄地,就消失得無影無蹤