是咁的，我嘅職業係ptbf: 294.有電話入

一方繼續邀請，另一方繼續拒絕

期間我又接咗幾個新客人，就咁過咗好幾個星期，我同阿螢都無再出街

而老豆翻工最忙嘅時間終於過去，之前同佢嘅時間一直都錯開，見唔到面，打電話又唔聽

唔係佢久唔久會翻屋企訓我真係以為佢瓜咗柴

今日，老豆嘅電話終於打通



「喂，依家係咪無咁忙？」

「哇，竟然係你打比我？係呀，忙完之前嗰轉依家可以抖下，點呀搵我做咩呀死仔？」

我深呼吸一口氣

就睇下阿文講得啱唔啱，睇下我嘅職業到底可以幫到我啲乜野

「我⋯⋯」



嘟嘟嘟嘟

「我有電話入，一陣再搵你。」

最後一刻，因為有電話入，臨門一腳我都係無成功講出口

「喂邊位？」

一把女聲喊住咁叫我個名：「阿金⋯⋯阿金⋯⋯」