是咁的，我嘅職業係ptbf: 311.多管閒事嘅鴨

阿潤拉開凳坐低：「點樣呀？你話唔想做過嘅衰野比人爆出嚟就見面，咁樣嚟威脅我？」

「事實上你係出咗嚟，即係真係身有屎啦。唔知你記唔記得我喇，我地喺時鐘酒店嘅樓梯度見過一面。」

佢挑起單邊眉毛：「唔記得。話說你點解會有我嘅聯絡方法呢？」

「我問阿螢拎嘅。」

噗



阿潤忍唔住笑出嚟：「等我估下，你係咪螢螢隻兵呀？你溝佢，佢同你講放唔低我？所以你嚟搵我算帳？我同嗰條女開房嗰陣，一早已經同螢螢分咗手。」

「但當時你係同牛奶妹拍緊拖。」

講到依度，阿潤面色一沉：「奇怪，你點會識佢兩個？」

「我係佢地嘅ptbf。」

哈哈哈哈哈哈！！！！！！



阿潤狂笑，引嚟餐廳其他客人嘅目光

「原來係隻多管閒事嘅鴨！哈哈哈哈！！！」