是咁的，我嘅職業係ptbf: 317.幫我確定

將時間稍為回溯，一切由牛奶妹話要將影落嘅相同拍過嘅片全部刪除開始

「你真係決定咁做？」

佢點點頭，將所有要刪除嘅相同片都選取哂，但係無勇氣㩒刪除制

牛奶妹將手機遞比我，佢拜託我幫佢刪除

我係嗰陣時見到某啲佢同阿潤未p圖嘅原裝相



當我諗緊點解咁熟口面嘅時候，就開始懷疑自己之前係咪見過咁嘅人

我幫佢刪除所有，佢同阿潤曾經有過嘅回憶

「呃⋯⋯係喇，我好似之前喺時鐘酒店見過佢⋯⋯同另一個女仔。」

牛奶妹呆視天空嘅空洞眼神轉向我

眼中漸漸燃起烈火，將眼淚燒乾



「你⋯⋯講真？」

「唔太確定」

佢行近我：「幫我確定。如果係佢對我唔住，我唔想⋯⋯我唔想為咁樣嘅男人浪費眼淚⋯⋯」

「嗯，我幫你確認下。」

牛奶妹同我講唔該，然後將錢塞入我嘅袋