是咁的，我嘅職業係ptbf: 334.得到與失去

我地總會喺每段戀情之中得到一啲野，失去一啲野

每經歷一段戀愛，喺我嘅世界就多一種公仔

龍貓、草泥馬、熊本熊、米奇老鼠

即使關係結束，每次喺啲精品店見到依啲公仔，都會不自覺停一停

一段逝去嘅感情，所有回憶變成碎片，全部埋入依啲佢地最鍾意嘅公仔上

每經歷一段戀愛，我重視嘅愛情小動作就少一種

我重視過朝早嘅早晨、訓教前嘅早抖、離別前嘅吻、搭正十二點嘅生日快樂

佢地一樣變成碎片，然後漸漸被遺忘

連曾經咁做過，都唔再記得