是咁的，我嘅職業係ptbf: 356.昔日的世界

父母睇住我地長大，自然知道我地鍾意乜野

相反，我地就唔知道佢地以前鐘意乜野

不過，即使無親眼見過，仍然有知道嘅方法

「其實你後生嗰陣，最鍾意咩公仔？」

「我後生？咁梗係鐵甲萬能俠啦。」



我仲以為會係咩冷門野，鐵甲萬能俠要搵都唔難丫

不過考慮翻以前嗰個年代，睇卡通片嘅途徑只有電視，而電視台肯買入嘅又一定係熱門作品，所以會鍾意咁大路嘅野都合情合理

「嗰陣成日偷雞走去隔離屋，喺人地屋外面偷睇電視。」

「要偷睇架？」

「屋企邊有錢買電視。咁以前公屋啲鄰居關係就好好嘅，通常大家都係閂鐵閘唔閂門，咁我地成班豆丁就到時到候擔凳仔坐喺人地屋外睇咯。不過太嘈條友會閂門，所以我地都唔敢出聲。」



聊天，讓我知道屬於你的，昔日的世界