是咁的，我嘅職業係ptbf: 358.唔使搵我喇，你

「點解係買依個？」

老豆望一望我，然後釋懷咁鬆一口氣：「無咩，純粹想要啫。」

我走入去，買咗，由於已經好舊，所以唔係特別貴

我拎住個袋同老豆離開信和

一行出門口，就有個女人走埋嚟：「喂～金哥，咁啱呀？做咩無啦啦今晚唔搵人地呀？」



個女人係輕熟女，樣就唔係話好靚，但勝在身材搭救，唔知佢係Candy、Sandy定Mandy

唔可以比佢拉翻老豆走

見佢想走近，我率先踏前一步，一掌頂住佢心口

「哇你乜水？咁猴禽嘅？」

「噢Sandy～唔好意思喇，今日我搵咗ptbf陪我。」老豆拉一拉我



「吓？ptbf？哦～又係嗰啲又要做雞又要攞貞節牌坊，懶係高尚死都話同我地有分別嗰啲仆街。」

Sandy推開我，好似要拍走灰塵咁用力掃咗個胸兩野：「估唔到你好依味野喎金哥。」

「哈哈，試下新野丫嘛，同你介紹，依個係金仔。」

Sandy打咗個突：「金⋯？你⋯⋯你個仔？」

「唔似咩？我就係又要做雞又要攞貞節牌坊，懶係高尚死都話同你地有分別嘅仆街仔嘅老豆。」老豆由始至終都保持住微笑



「呃⋯⋯我唔係咁嘅意思⋯⋯」

老豆拉我行過Sandy：「唔使搵我喇，你。」