是咁的，我嘅職業係ptbf: 375.救我

如果阿螢搵嗰六百幾個追求者，是但一個陪

咁我見到，有可能呷醋，亦有可能祝福佢

但佢知道，如果我見到佢同阿潤走翻埋一齊，我一定唔會祝福佢地

要百分百可以激起我著緊嘅心，只有同阿潤出街先做得到

「我唔知佢會咁痴線帶刀出街架⋯⋯我唔知佢會想殺你架⋯⋯對唔住呀⋯⋯對唔住呀！」



我無力咁坐喺救護車入面，耷低頭

阿螢將我嘅手拉向佢

我連揈開佢隻手嘅力都無

到底邊個應該道歉？一大堆嘅錯誤融合成一個巨大嘅錯誤

如果我無多管閑事，就唔會招惹怨恨



如果阿潤無傷害牛奶妹，牛奶妹就唔會拜托我幫佢確認真相

繼續向上推的話，依個結果仍然搵唔到有任何一方應該要負上全部責任

係阿潤？但如果阿螢無約佢，今日依件事亦唔會發生

我唔知憤怒同憎恨應該指向邊個目標

我淨係覺得好攰、好攰



救我⋯⋯救我⋯⋯