是咁的，我嘅職業係ptbf: 386.詛咒阿螢

喺我要跳出去嗰一剎那，一個笑容出現喺面前

咪住，我未死得

我收翻隻腳入屋

而家嘅阿螢處於自責嘅地獄之中，喺佢嘅角度嚟睇，一定會覺得自己害死咗我老豆之後，連帶害死埋我

由佢喪禮嗰日嘅面容推測，佢應該每日每夜都喊得勁過我，再加埋失眠



如果我唔好好澄清一下我嘅死同佢無關，唔好好講清楚我無嬲佢無憎佢，咁佢一定會更加自責

我自殺之後，阿螢自殺嘅機會都好高

我唔想死咗仲要害死多一個人

我需要一個方法同佢講清楚

為咗令惡鬼最後嘅終結唔會再有任何人陪葬，就算係要詛咒阿螢生存落去，我都在所不惜