是咁的，我嘅職業係ptbf: 397.我只會說謊啊

到我翻到屋企樓下，李星同浩然咁啱拎住啤酒行入去

我拍拍佢地膊頭

「嘩你出街喇！」

「哇你剃咗鬚！」

「嘩你沖咗涼！」



「哇你換咗衫！」

佢兩個開心到連珠炮發

「得喇得喇。」

李星拎起手上嘅啤酒：「我地見你咁多日仲咁消沉，諗住同你一齊借酒消愁呀。」

啊⋯⋯如無意外，今晚應該係最後一晚同你地飲酒喇



但係我怕

我怕自己會唔捨得你兩個好兄弟

「痴痴地，我無事啦，唔洗擔心，今晚唔飲喇，聽日朝早約咗人。」

我只會說謊啊