是咁的，我嘅職業係ptbf: 400.黑布

到我起身嘅時候，已經十一點九，我離開屋企，鎖門

咔嚓

然後㩒𨋢，上去天台

真係一個適合自殺嘅舞台，好似舊年先有一個男仔同女仔一齊跳咗

miki已經到咗，佢就企喺天台小屋嘅門前，一開門就見到佢



「你⋯⋯點入嚟？」

「看更伯伯又訓咗丫嘛。」

miki遞出一條黑布比我

「做咩？」

「你蒙住對眼跳丫。」



「吓？」我又再一次完全唔知依個女人想點

「聽我講，蒙住眼，行去邊緣，然後自轉十五個圈，轉到分唔清前後為止。最後向前踏一步！」

佢一路講一路做示範

「我點解要咁做先？」

「幫你認清楚一啲自己都無自覺嘅事。」



miki遞出黑布