幾日之後就係 Ringo 嘅大婚日子, 果真如我所料, Ringo 真係打電話黎搵我, 約我出去同佢搵個地方再續上次未完成嘅事情。
 
時鐘酒店內嘅床上, 我正趴住個身咁比 Ringo 從後入住, 「呵…呵…好正呀, Ceci 不如咁啦, 到我結左婚之後, 不如我地就再維持住間中出黎咁樣嘅關係啦, 咁妳咪唔使再愁呀發佢咁樣黎對妳囉!」
 
我聽到佢咁講之後無出到聲, 唉, 一個女人, 結婚之後居然係要靠老公個朋友黎滿足同維持住床上嘅事, 如果我聽到有人咁同我講, 我都會覺得簡直係匪而所思, 但最慘件事而家正正就係發生左響我身上, 唉….., 我繼續同 Ringo 響床上胡天胡帝住。
 
各自上床瞓覺已經漸成習慣, 漸漸地, 同枕邊人亦開始響屋企就有如陌路人咁一樣, 而我間中有需要時就會再去蘭桂坊度碰吓運氣, 我開始會著啲比較露啲嘅衫出街黎嘗試激住呀發, 我夜晚又會攞佢啲煙響廳度學人咁食住, 雖然就會比啲煙瀆到我咳到黏肺咁滯。
 
我又會嘗試去學飲酒黎扮忘卻一切嘅煩惱, 但講真, 其實啲酒又真係好苦同好鬼難飲, 而且借酒根本係絕對唔可以去消愁嘅。
 


呢晚, 老公同我講野, 「Ceci, 大伯父響外國番左黎, 佢叫哂我地啲兄弟姊妹同全部家人聽晚一齊出去食飯, 妳都知啲呀嫂呀嬸佢地把口係幾咁麻煩架啦, 所以如果無咩事嘅, 聽晚盡量都要去一去酒樓度呀!」
 
第二晚, 銅鑼灣某大酒樓內, 我同老公分別會各自出發去上酒樓度, 放工之後, 我自己先上到去, 貴賓房內, 一班姨媽姑姐正大大聲咁響房內講緊是非, 而男人就有男人自己響度打麻雀, 班細路就有細路係咁響房度走黎走去玩住。
 
我同佢地班人打完招呼之後, 氣氛似乎有啲唔妥, 今晚啲人對我好似有啲冷淡咁, 跟住我就唯有自己一個人咁坐埋響一二便度等住開飯啦。
 
坐左一陣, 老公亦剛剛到左開門入黎, 眾人見到佢後, 就居然一湧而上咁將佢包圍住, 我覺得有啲奇怪, 眾人正在七咀八舌, 見老公塊面好似有啲難色咁, 跟住就細細聲咁同佢地講住, 「妳地做咩叫埋佢黎呀?」 跟住我見到老公好似有啲心虛咁瞄左我一眼。
 
跟住再無幾耐, 有個陌生女仔就開門入左黎房內, 眾人即時好開心同熱情咁再一湧而上到個女仔身邊。
 


「小心啲呀, 妳而家粗身大細呀!」
 
「快啲埋去坐低先啦, 呀成, 擔張櫈黎比呀蓮坐啦!」
 
我望吓老公, 見佢正在一面尷尬咁, 一種唔係咁好嘅兆頭正響我心內湧現住, 班姨媽姑姐正圍埋響個女仔度好似好開心咁, 其間眾人間中亦向住我呢個方向瞄左我一眼。
 
細嫂向住老公大嗌住, 「呀發, 紙遲早都包唔住火架, 醜婦亦終需要見家翁呀!」
 
呢一刻老公就更見一面無奈同尷尬, 老公開始行埋黎我度, 但就企左響我面前好似唔知應該點開口至好, 「Ceci……」
 


我等緊佢嘅繼續, 全場人正凝視住我地呢個方向, 「Ceci…我…我…」
 
八婆二嫂正在大嗌 : 「我我我, 我咩啫, 講囉, 佢遲早都會知道架啦!」
 
毒舌姨仔正在大嗌 : 「咪就係, 入門咁耐蛋都無得生一隻, 都唔知點做人地老婆嘅!」
 
老公又正在吞吞吐吐咁, 「Ceci…果個係呀蓮, 佢….佢同我…同我…」
 
勢利表姨媽又響度大嗌 : 「同同同, 同我咩啫, 有左咪有左囉, 仲響度我我我!」
 
尖酸克薄姑姐再加把咀 : 「好囉, 有人肯同呀發生仔, 喜事黎喎, 黃家不嬲都係旺丁又旺財, 唔似得啲人嫁左入黎咁耐都無啲建樹!」
 
眼淚已經響我面上長流住, 我怒目咁正望住眼前呢一個人渣, 一班衰人仍繼續響度單打住我。
 
臭口表舅母瞄住咀講 : 「都話左我地姓黃同啲姓陳嘅係唔夾架啦, 呀發你又唔聽人地講, 果陣時就係都要娶佢入門!」


 
狗眼二伯娘更再踩多一腳 : 「呀發, 謝律師個離婚套餐做緊 promo 呀, 一千蚊都唔使就真係抵到爛架!」
 
聽到呢度, 呢一刻我真係要崩潰嘞……………….
 
我手震震住咁響袋度攞左包煙出黎, 顫抖住嘅手點左口煙之後……「咳…咳…咳….」
 
眾人再群起向我怒插, 「妳黏線架, 間房又大肚婆又細路響度, 妳響呢度食煙妳有無腦架, 呀發, 叫佢出番去啦, 你啲家事唔該你地自己番去屋企度先至攪掂佢呀!」
 
唔使再等比人趕, 我自己就已經起身咁衝左出去房外, 夜深, 我襟住街上嘅牆邊, 正軟弱無力, 漫無目啲咁四處流連住, 街上雖然人來人往, 四周亦充滿住喧嘩嘅人聲, 但我已經再聽唔到任何嘅聲音響我耳邊度出現。
 
已經魂不附體嘅我, 響呢一刻我終於明白到個衰人點解會叫我響出便去搵其他嘅男人, 眼淚仍繼續係咁長流不絕, 我個心….好痛, 真係好痛…….
 
(待續)
 


圖述一

晴天霹靂, 萬箭穿心, 千夫所指, 錯不在我
 
圖述二

孤掌難鳴, 傷痛尤如泰山壓頂, 已接近崩潰邊緣狀態