角色特別專訪 1 德古拉伯爵

作者「首先要講聲好耐無見⋯⋯夢慾願墮中沒有造的專訪環節,今次有賴各位巴打支持,我終於有得再以故事作者的身份和大家見面,感謝⋯⋯

小弟的第四個網絡連載故事『妖氣報告』,純粹係我想搞左好耐既題材,不理後果,正式開波!馬上開始第一個人物角色專訪,不需五集就俾人ko左既,以為自己好好抽既~德古拉伯爵!」

伯爵「人類,小心你的用詞,我乃高貴的吸血鬼貴族,你這種蔗民無資格和我說話。」

作者「咁⋯⋯無咩我番出去做嘢先。」





角色特別專訪 1 德古拉伯爵 完

作者「咪住!e到我地頭啵,你高唔高貴關我咩春春事呢,你上黎係為左答問題嘛,我無資格同你說話咁點做專訪呢?」

伯爵「雷電,如巨斧砍落,穿過堅厚⋯⋯」

作者「投降!投左啦!你冷靜d先⋯⋯大家斯文人嘛⋯⋯邊有得咁矛架呢?」

伯爵「你的垃圾劇情,害我和我的愛人喪生!」





作者「你收埋對翼先!地方淺窄呀!e到唔係魔界呀!土地問題好嚴重架!咁啱你題到女e個話題⋯⋯有讀者想問你覺得人類同吸血鬼,邊種種族既女性較吸引呢?」

講到女,伯爵就認真起來了。

伯爵「如果以身材外貌來說,其實兩族女性的分別並不大,但皮膚質素就差得遠了⋯⋯

人類女性要以大量化學物質保養護理肌膚,而能保持滑嫩的時間卻很短⋯⋯反觀我族天賦的再生修補能力讓女性飢膚滑不溜手!而且吸血鬼的青年期長,老化速度也慢人類很多,絕對是上上之選。 」

作者「我都估到你係咸濕仔架啦,邊有伯爵唔咸濕吖⋯⋯但既然吸血鬼妹子如此吸引,你又點解會迷上人類女歌姬呢?」





伯爵「她⋯⋯是我唯一愛過的女人,在魔界,絕大部份種族也是以實力來定地位的,女妖們會為強者獻身,擁有伯爵之位的我也不乏傾慕者。」

作者「你串我呀?」

伯爵「但這種傾慕裡,沒有愛⋯⋯

我在人界遊歷多年,人類的愛情較妖魔複雜得多,這種複雜淒美而高尚,有詠唱咒文一樣的詩意⋯⋯而我的新娘剛強勇敢,面對吸血鬼也毫不怯懦,她和我一樣認定這是最美的緣份!她的歌聲告訴我,她就是我靈魂的另一半!」

作者「我覺得你地個腦有問題囉⋯⋯」

伯爵「雷電,如巨斧砍落,穿過堅厚⋯⋯」

作者「冷靜!愛情既嘢我識條鐵咩!你咁鍾意詠唱咒文,不如講下關於吸血鬼戰鬥技術e個話題啦⋯⋯讀者對抽象既魔裝術有幾多疑問,不如你幫我講解下。」

伯爵「魔裝術是以魔翼包圍身體,以妖力生成可變形的戰鬥裝甲,自人狼和吸血鬼的同盟缺裂後,兩族展開了一場大戰⋯⋯





而戰後,吸血鬼族的教官便開始研發這種新型戰鬥方法,既能加強自身防禦和近戰能力,更能隨用者意識自由改變形態作戰,比傳統詠唱咒文更難防備,所以近代的吸血鬼⋯⋯都主力研究魔裝術。

所有吸血鬼也先天具備發動魔裝的魔翼,至於魔裝的強度就隨妖力而定。」

作者「幾方便吖⋯⋯係咪整個左擁右抱美女如雲魔裝都無問題呢?」

伯爵「整隊大樂隊都無問題。」

作者「咁方便點解你仲詠唱d又長又浪費字數既咒文魔法呢?」

伯爵「因為我喜歡。」

作者「唔該哂⋯⋯有讀者問你同阿零第一次見面既情景,同埋點解係你教阿零詠唱咒文呢,公候伯子爵,老老實實伯爵你唔係好好抽架咋⋯⋯」





伯爵「阿零是在魔界出生的,人狼和吸血鬼的戰鬥就是因為他而展開,當年雅典娜⋯⋯」

作者「停!嚴禁劇透!下條!」

伯爵「由我來教授詠唱咒文的原因,正因為我是出色的詠唱者,就算魔裝術如何大勢,我也追尋藝術這道路,詠唱咒文,是我靈魂發出的聲音。」

作者「其實你同阿零一樣係宅仔⋯⋯宅既方向唔同罷了⋯⋯你既然流浪人界咁多年,對現代人類又有無睇法呢?」

伯爵「人類總是反相同的錯誤。」

作者「吓?阿寶又要出動?最後一條,你對我地男主角阿零又有咩評價呢?話哂你都比佢埋左你單。」

伯爵「阿零還太幼嫩了,幼稚的玩具魔裝只會局限戰鬥的變化,魔裝術優勝的地方在於靈活,還有自然,隨潛意識生成的魔裝作基礎強化才是皇道,像他的哥哥⋯⋯」

作者「停!嚴禁劇透!好啦⋯⋯關於伯爵既問題都差不多無啦,作為故事中第一個頭目,多謝你既犧牲,為e個故事拆開序幕。





寫妖氣報告既原因,係好似伯爵堅持詠唱一樣,我鍾意囉,我細細個開始就鍾意睇漫畫儲機械人扭蛋,飯錢都慳埋買盒裝扭蛋然後俾阿媽鬧,或者時代變遷,已經無咩人知我講緊咩⋯⋯

而因為土地問題同埋入息問題,我投身社會之後係無入坑買超合金既⋯⋯但無買唔等於我無左熱愛,妖氣報告e個故可以話係為滿足我毒撚之魂而造既超長篇故事,我會盡情咁釋放毒氣。

像三十歲的我,對二十歲的我作一個道別。

感謝追看和留言的每位,讓我有機會再在角色專訪中出現,擦存在感,第一個人物專訪就到這裡結束了,有無下個⋯⋯睇你地啦。」

伯爵「又一個可悲的人類⋯⋯」

作者「你小心d講嘢呀,我寫開個鬼門關捉你出黎再俾人鞭屍呀!」

伯爵「烈焰,把罪孽燃燒,燒死所有罪人,潔淨骯髒的靈魂⋯⋯」





作者「對唔住!唔好!救命呀!」

角色特別專訪 1 德古拉伯爵 完