妖氣報告SEASON 1 (實體書已登陸各大書局): 角色特別專訪 2 八岐素真

角色特別專訪 2 八岐素真

作者「大家好，我又黎刷存在感啦，第二個角色特別專訪多得有心人發問（加上我係都要搞）之下，終於搞掂，蛇妖篇講既係種族問題，被人魔兩界趕盡殺絕，佢地最終為自由而戰，同時為自由而死，馬上聽下以為變左八岐就好抽得，最終都係領便當既八岐大蛇，素真點解釋。」

素真「你的爛鬼劇情⋯⋯害死了我和我的妹妹，我的族人，我要先殺掉你！」

作者「我估到你班人係咁架啦！咪郁呀你，我準備左一公噸硫磺呀！」

素真「狡猾的人類⋯⋯但為何這麼周圍像被大火燒毀過一樣？」





作者「有人同你一樣領完便當向我發爛⋯⋯言歸正傳，有讀者問作為日本數一數二既傳說大妖，八岐大蛇，你既表現令人大失所望，仲被一眾主角吊起黎打，你慚唔慚愧？」

素真「我完成八岐秘法不夠十分鐘便要和一班超上級獵人開戰，還要有一頭能全妖化的九尾妖狐！我如果能達成完全體狀態才作戰，他們只是小菜一碟！」

作者「原來係因為個地硬⋯⋯個世界無如果架，而家你講咩都得啦。」

素真「古有八岐遠呂智強勁得毀天滅地，我們蛇妖明明是實力照群的一族，卻踏上被滅絕的厄運！不公平！這世界不公平！」

作者「傻豬，好打就有人賞識你？個世界無咁好混，講起滅絕，有讀者問點解蛇妖會面對咁既慘劇？」





素真「蛇妖一族普遍只能達到上級境界，在魔界難以和眾妖爭一日之長短，但我們的體質對精元很敏感，吸食人類和妖魔的精元後，蛇妖的力量便強大無比，遠呂智創造的八岐秘法更帶蛇妖族走上頂鋒！」

作者「係走上絕路。」

素真「人類⋯⋯妖魔都懼怕大蛇的力量，更害怕自己成為被吸食的對象⋯⋯所以神使須佐之男帶領著人魔結集的聯軍向我族開戰⋯⋯屠殺我族無數生命⋯⋯」

作者「故事中四月和烈花的對話到提到和約，只要遵守承諾，不再完成八岐秘法，不再吸食精元，聯軍願意放你地一條生路，點解你地又拒絕呢？」

素真「當日神魔兩族在人界開戰，我們蛇妖沒有出力嗎？八岐遠呂智力壓日神大軍！那時候有人來計較精元嗎？為了強大戰力，妖魔軍更定期提供自願犧牲的妖魔來完成八岐！戰爭結束後卻說我們是危險，要約束！你覺得公平嗎？」





作者「傻豬，打完齋唔要和尚係人類偉大既發明，你只係免費消耗品，用完即棄架咋，俾個正皮你好無？

人類用殺戮用武器換來今日既和平，然後和平低下武器技術戰暗暗展開，揸住核彈既人互相挑釁，一有唔對路咪以和平之名鏟平佢囉⋯⋯公平⋯⋯

有讀者問除左八岐係咪無任何抗爭方法，可以重新選擇你仲會唔會咁傻豬？」

素真「難道靜坐遊行佔領會有用？聯軍扮作若無其事後還不是把我們驅逐！根本沒有選擇的權利，革命⋯⋯需要有人點起火花，需要有人犧牲⋯⋯我只是當中決意發起的人。」

作者「我唔講政治架啵⋯⋯下條，聽講蛇妖身材好好，有讀者問你⋯⋯同你阿妹三圍數字。」

素真「百蛇纏絲手！」

作者「硫磺噴霧！」

素真「頂你個肺！」





作者「反彈無回頭！」

十分鐘後。

作者「唔答咪算囉⋯⋯郁手郁腳⋯⋯」

素真「低俗的人類⋯⋯」

作者「你好高尚，你唔打飛機既⋯⋯話時話你係咪妹控？有無對素貞起過色心？」

素真「百蛇纏絲手！」

作者「硫磺噴霧ex！」





又十分鐘後。

作者「講開素貞⋯⋯烈花同你阿妹點識？」

素真「我們在魔界逃亡的時候遇上妖魔的追殺，那些淫賤的人狼想打素貞主意，我們被迫到懸崖⋯⋯當時是烈花和她的朋友救了我們⋯⋯那一名女吸血鬼和一名人類法師實力強橫，加上九尾狐烈花，人狼群才逃去無蹤。」

作者「咁⋯⋯你個人最喜歡邊個種族既女性呢？」

素真「蛇⋯⋯蛇妖。」

作者「我都話你係妹控架啦！變態仔！阿妹都唔放過！抵你俾人吊起黎打架！」

素真「全妖化！八岐降臨！」

作者「對唔住⋯⋯我去領便當。」





由於作者死亡，角色特別專訪無法繼續進行，感謝收看。

角色特別專訪 2 八岐素真 完