我突然間多咗個妹: 她果然不是妹的理想形象

當我仲沉醉喺幻想之中，我又聽到同一把聲。
「你咪係呀信?你認唔認得我呀，Priscilla呀，跳hip hop嗰個呀。」
「Er...啱啱認得，哈哈...」死喇，一見到可愛嘅女仔就唔識講嘢添。
「你好勁呀，明明咁大份，點解跳舞嗰陣你嘅動作可以咁分明嘅?你跳得真係好好睇呀!」我都唔知應唔應該開心。
「其實我都唔清楚呀，你不如等hip hop班嗰陣問missy啦。」我只係對佢微笑，費事又聽到佢啲有刺嘅說話。
佢對我嘟咗下嘴，我差啲就咁俾佢攻陷咗，不過始終得外表，仲差一個條件，如果佢夠溫柔就好喇，我即刻向佢表白，我嘅意思係叫佢做我嘅妹。
我以為佢會安靜啲，點知佢又繼續撩我講嘢。「其實我都好想有機會代表學校參加一次校際舞蹈節，唔想永遠喺台下睇住你哋，我都想為呢個團隊付出。」
本身我想串返佢話:「You know?跳舞好講天份架，唔係人人都跳得好。」不過從佢語氣中我聽得出佢係真心咁講，所以我冇講出口，但係一時間我又諗唔到啲咩方法去幫佢，只係敷衍咗句加油。

終於放學，Priscilla男朋友去咗我哋班接佢。咩話，竟然係呀明?佢咁小器，平時又疑心重，竟然有人鍾意佢，仲要係咁可愛嘅女仔。「公平咩?天理你喺邊呀!?」我嗌咗出嚟。我就係咁嘅人，覺得出奇嘅事就會大叫出嚟。


「Vincent，你...你...你嗌我呀?」坐我隔離嗰個女仔問我。吓，原來有人同天里做名架=.=嘩佢做咩面紅呀，唔係怕醜到咁都有呀?不過佢又生得幾純情喎，撩下佢先。「唔係，我發開口夢啫。sorry呀嚇親你。你係咪姓武架?全名武天里?」我諗住同佢講下笑抒緩下氣氛，點知得不償失。喂小姐你唔係喊呀話，佢啲眼淚好似就嚟要流出嚟喇，點算呀。我望住Toby，佢用恥笑嘅眼神望住我，做口型同我講:「抵你(撚?)死」然後就走咗出班房。我唔識氹女仔架，我四周圍咁望希望有人幫到我。行緊出班房嘅Priscilla對住我做咗個鬼臉，應該係想我對天里咁做，同時我差啲又俾佢攻陷。但係點解Priscilla個樣又好似有啲奸詐咁嘅，好似喺度計劃緊某啲嘢咁。冇時間諗喇，要快啲氹返個女同學先。雖然用咗我一段時間，不過多得Priscilla幫手我先令到天里笑返。
「叫我Beverly就可以喇，你好似仲笑緊我個名咁。」
「對唔住呀，你仲嬲緊我呀?天...Beverly。最多我請你食甜品啦。」
「我要食_______雪糕。」
「同學，你打劫呀?」
「你又話請我食甜品!!!」佢嘟住個嘴咁講。點解今年啲女同學都咁可愛架。
「係係係，你唔好嬲先。我請我請。」
陪完Beverly食雪糕，搞咗成個鐘，終於平息咗件事。

為咗多謝Priscilla幫咗我，我決定向佢講聲多謝。我喺上年hip hop嘅Whatsapp群組裏面搵到佢嘅電話號碼，仲睇到佢打過嘅加油訊息，佢真係好重視呢個團隊。「Priscilla，今日真係唔該晒。好彩有你幫手。」


「咁你係咪應該做啲嘢報答我呢?」
「嗯...我唔知喎，你想我點。」
「教我跳舞!!!>.<」
「唉......好啦，服咗你。」
「Yeah!!!」
佢果然唔係妹嘅理想形象。