降禍三代

話說細個去拜年嗰陣，有件事係令我好驚，就係去我姨媽度拜年。我阿媽總係同我講：「陣間你記住唔好亂講野，跟實我，因為你姨媽有精神病。」咁細個對精神病嘅認知真係好淺薄，最深印象就係阿媽成日講某幼稚園嘅慘劇，於是細個去探我姨媽就變成一個童年陰影。到咗我年記大啲，我就問阿媽做咩姨媽會有精神病，我阿媽就話：「佢自私囉，你大個啲先話你知。」

咁我年紀雖少，不過一言九頂嘅我就點都駁咀：「唓，你次次都話我大啲先講，我依家咪大咗啲囉，自私點會有精神病架。」

每次我阿媽最後回應都係「你識乜呀」。直到後嚟收到姨媽上吊自殺嘅死訊，無耐，阿媽就同我講：「依家話俾你知點解姨媽會有精神病，其實你阿公係俾人落降頭害死，人地話降頭會禍及三代，你姨媽都去埋，我驚到你依代都會有事。」

我：「你唔係話姨媽係因為自私先有精神病架咩？點解會關降頭事？」

媽：「你聽我講埋先，之前都同你講過當年你阿公係做偏門，撈得好掂所以好有錢，邊似得我地依家咁，去城門水塘玩，買多兩舊醎酸菜食就肉都赤埋。





我記得以前細個住間屋好大，嗰陣我都係得幾歲人。後來聽人講返，屋企仲有好多地，你阿公老婆都有幾個，又有好多工人。係好多年前，你阿公娶咗你阿婆好耐都未有小朋友生出嚟，你阿公見有個妹仔=16px又醒目又乖，咁就收=16px咗=16px佢做養女，嗰個就係你姨媽，所以你姨媽年紀大我地（加阿姨）成十幾年。」

後嚟有你阿公有個老婆首先生咗個仔，佢驚其他房人會生個仔出嚟同佢爭身家，所以就落降頭整死咗你地阿公，然後趕走其他房人，包恬你阿婆，等個仔可以承繼全部身家。

無耐就文革，嗰陣我同你阿姨仲係好細個，你姨媽已經係個大人，有人帶咗我地三姊妹走咗落香港。後嚟到文革完咗，我地都仲係十幾歲嘅o靚妹，你姨媽嗰陣就差不多30歲都有，之後你姨媽就有開始上大陸探你阿婆，但係有次你姨媽上完大陸就開始精神有問題。

我地初時都唔知咩事，直到收到你外婆嘅信，你外婆話原來你阿公以前驚俾共產黨沒收家產，就將啲黃金分批收埋係幾間屋嘅牆裏面，如果真係俾共產黨攪，可以等風聲無咁緊之後再攞返啲金出嚟，點知你阿公去咗無耐就文革，你阿婆又已經返咗鄉下，當時大陸好混亂，走到老遠去搵啲金不過去到又無人無物，挖番啲金出嚟又唔知點運，又唔知收去邊，萬一俾人知道有錢就一定俾人批爭，所以批金就一直都無去搵返。

後來你阿婆改嫁埋，佢唔想再攞你阿公啲錢，於是就諗住將啲錢留俾我地三姊妹，你阿婆好信你姨媽，就將以前啲屋嘅地點講咗俾你姨媽知，等佢帶埋我地兩姊妹一齊返去試下挖番啲金出嚟。





點知後嚟有公安搵你阿婆，話拉咗佢個女，拉佢嘅原因係發現佢帶大量黃金出境（我唔知依條係咩罪呀）。就係咁，你阿婆就知道你姨媽自己走去搵啲金，即係想獨吞。啲金就俾大陸嘅唔知公安定海關充公咗（落袋掛），而你姨媽就一直掛住啲金就出現咗精神問題，好多年都係咁，到最後仲上屌自殺，我就成日形住件事同降頭有關，所以你以後都係咩都小心啲喇。」
 年少時候，我真係覺得姨媽自私，如果佢將啲金分俾我地就發喇。而我年少時亦總係覺得我阿媽好迷信，對任何鬼神之說深信不疑，講得愈離奇就愈信，邊有咁多降頭呀！邊有咁勁禍及三代呀！但係當年紀大咗，我開始覺得世界之大，係可以無奇不有，世上有降頭之術亦不無可能，後來讀到司馬中原先生嘅「巫蠱」，文中亦有提及降頭=16px巫蠱之術會牽連三代。 =16px幸好事隔多年，我阿婆嗰房人同我依代人都叫相安無事，可能個降頭無咁勁掛。但係比起降頭，=16px我更加相信嘅係因果，有啲唔見得光嘅錢，你受唔起，攞咗真係會無命洗，當年我屋企分唔到啲錢可能真係執身采。

  最後一定要聲名一樣野，對於坊間嘅鬼神之說，本人認為係以呃神騙鬼居多，我阿婆生前就因為迷信而被祈福黨呃過錢。幸好事隔多年，我阿婆嗰房人同我依代人都叫相安無事，可能個降頭無咁勁掛。但係比起降頭，我更加相信嘅係因果，有啲唔見得光嘅錢，你受唔起，攞咗真係會無命洗，當年我屋企分唔到啲錢可能真係執身采。