我只不過喺自修室溫書，點知比我遇番佢。: <五>巴士站

「嗚，好彩今日係禮拜六，唔洗翻學，瞓多..」

「起身啦，幾點呀，唔洗溫書呀？」

「陣...」唉

尋晚搞到成點幾先有得瞓，想瞓多陣都唔得！
.
.
.


「嘩..搞咩呀，晏咗小小落黎已經咁多人嘅。」

一到禮拜六日自修室就會變到好多人。除咗啲中學生之外，仲會有啲大學生去做SEM project，又會有好多阿伯係到睇報紙，總之遲咗就好難搵位。

幾經辛苦終於搵到個位。但係我認到隔離位個粉紅色書包，係巴渣妹架喎，坐唔坐埋去呢咁。

「噓，怕咩姐，又唔係身有屎。」於是我就坐咗埋去，隔多陣，巴渣妹都翻咗黎。

「哼，冇位坐啦咩。」巴渣妹問。



「你冇眼睇架咩，有我都唔想坐喺到啦。」

「你...哼，我都未見過男人咁小氣架！」巴渣妹講完之後鼓起泡鰓，又真係幾可愛。

欸，費子楓你諗緊咩架，呢件野仲惡過雙刀火雞姐，仲點會可愛呀！溫書啦！溫書！

之後我地就再冇理大家。因為當務之急我真係要做好啲數去，唔係個大考真係死俾你睇。
直至,,
.
.


「搞錯呀，條circle咁易都唔識做。」巴渣妹突然講。

「唔好嘈啦，巴渣妹。咁叻你做啦。」

「好呀，怕你呀！」

再給我兩分鐘，讓我把…

「做完了！」

什麼，廿秒炸喎？咁快做好？

「呢題係入門野炸喎，你咁都唔識？」

「我…咩唔識姐，我只係..」我都諗唔到點駁。



「你只係發緊夢冇認真諗呀麻。」

…..突然覺得肥豪啲毒舌都只係小兒科。
 
係我暴受一萬點攻擊之後，我嘗試自己再做下。但係實在太恐怖。

我好奇之下望一望巴渣妹做緊咩，原來都係經濟。仲要係我最擅長嘅MACRO。

「答案係AD跌。」我話。

「係AD跌咩。」

「都話係。」我答。



「係喎…做咩姐，幾時要你教我，我有話唔識咩？」

「唔識就唔識啦，仲要逞強。」

「車，你咪又係一樣。」佢講。

講起上黎又好似係喎。估唔到我地呢樣又有啲似。

「你地係到做咩呀！放開佢呀！」

有個男仔推開曬其他人擋住咗係個女仔前面。

「關你咩事呀，走開啦。」死肥仔首領對住個男仔大嗌仲打咗個男仔一拳。

點知個男仔好似上咗電咁打番拳落個死肥仔到，驚到個死肥仔跑走咗，佢啲黨羽都落荒而逃。



「你冇事呀麻？你傷咗啦。」小女孩好擔心咁問。

「小事啦，好快就冇事。」

小男孩個媽媽呢個時候就黎到接小男孩走。

「你聽日係咪會再翻黎呢到玩架？」小女孩問。

「會，一定會！我應承你啦。」小男孩答翻個女仔。

「會，一定會！我應承你啦。」

「會，一定會！我應承你啦。」
.


.
「唉呀！」

我瞓瞓下覺個頭唔覺意撞咗落牆，就咁冚醒咗。

「點解又係呢個夢嘅，仲要咁鬼老套，TBB都唔知播過呢啲劇情幾多次啦。」

我一邊捽個頭一邊自言自語。不過話時話個夢又幾真實。

我望一望個鐘，6點鐘。

做過學生嘅各位都知，最屎忽鬼就係呢啲時間，又想瞓多陣先翻學，又驚唔知醒。

「唉屌，落街食個老麥算。」

嘩，而加老麥啲早餐都咁Q貴。一個餐都兩兜幾。

咁我呢啲成日遲到嘅，通常都翻學校先食架啦，邊得閒去買老麥早餐姐。

我是但食咗個通粉餐之後就去咗等40號巴士。咁啱見到小霖。(根據番故事個時間點，40號果陣係未改道，所以係去到我學校嘅)

「咦，你老豆冇車你咩？」我問小霖。

「佢去咗公幹。」小霖依舊淡淡咁講。

「少有喎，你都咁早。」佢接住講。

「唉，唔好提，今朝發咗個九唔搭八嘅夢，之後就醒咗。」

「個人無厘頭發啲夢都古古怪怪。」小霖微微咁笑住講。
佢笑起上黎真係好charm，直情係傾國傾城果隻。

「笑多啲咪好囉，成日黑口黑面。」我乘機挖苦佢。

「死啦你去！」

講講下，架40號都黎咗。上咗車之後，我地都不約而同咁講咗句：「坐上層嚕。」

我地都相視而笑。細個果陣我地嘅阿媽都會帶我地搭巴士出去補習，每一次都係要坐上層最前果格，但係自從升中學之後就冇了。估唔到佢仲記得。

我坐咗係近窗嘅位。臨開車之前我見到個粉紅色書包行緊去巴士站，再睇真啲原來係巴渣妹。原來佢都係….