我只不過喺自修室溫書，點知比我遇番佢。: <六十一>小霖嘅感覺(二)
第二日我地就去安平老街，我地等咗好耐巴士先有車。
上到車之後我好快就瞓著咗，但係其實架車好「鄧」，我好快就有番知覺。
我feel 到阿楓一路都扶住我個頭，而我都瞓咗喺佢膊頭。呢一刻我真係覺得好溫暖。
因為我曾經幻想過呢一幕好多好多次，終於發生喺我身上。
隔咗冇耐佢都瞓著咗，佢都瞓咗落黎。
我想永遠留住呢一刻，所以我就用電話自拍咗一張相..一張彌足珍貴嘅相。
「如果永遠係咁就好..」我自言自語，有得揀嘅話，我真係想個旅程咁快完..至少可以停留喺呢一刻。
我地到咗之後就去咗個博物館，我對果啲嘢冇乜興趣，反而阿楓就好有，所以我無論幾悶都陪佢行完去..呢個已經係我最大嘅樂趣。
反而老街我就好興趣，果到好多古靈精怪嘢買，好過癮，好似廟街咁。
「咁興奮嘅你？」佢問我。
「我好少出黎行呢啲街啊麻，好少見到呢啲古靈精怪嘢。」
「喂阿楓，你睇下，呢個好似你！」阿月指住廟出面個扮孫悟空嘅人。
「屌你啦，似你啊！」
「真係好似喎，成日跳跳扎咁。」阿言講。
哈哈，真係幾似，諗番佢細個咁活躍嘅樣就覺得好笑，呢啲嘢都得我同佢先知架炸！
「行完未啊？行完就搭番車出去啦，我地今晚打邊爐！」阿晴講。
「好啊屌，我等咗呢日好耐！」阿星好雀躍。
食完餐好食嘅火鍋之後我地就番番民宿玩..大冒險！
「啦，我地今次又玩下大冒險！」阿星講，我地沖好曬涼之後又圍埋一齊玩。
「不過就唔咁麻煩，每人派一張牌，其中有兩張就一樣嘅，邊個抽到一樣嘅牌就要懲罰！」
「下，嘩咁咪每輪都有2個人輸？」阿晴問。
「咁樣先刺激啊，阿星可！」子妮講。
「咪係！啦，我派啦。」
「一、二、三，開啊！」
第一鋪就抽中阿言同阿晴。
「Wowww！合巹交杯，之後po IG！」阿星嗌！
「咁有幾難？」阿言講。
「係喎..咁諗過個！」
「痴線，邊可以諗過個。」佢反駁。
「咁算！照做！」
其實我好羨慕佢地兩個，可以分開咗都喺得番埋一齊，仲愈來愈甜蜜，可能真係佢地好彩，可以咁快遇到佢地鐘意嘅人。
我諗我仲要等下啦…但係仲要等到幾時呢？
同佢地玩其實都幾開心，個個都好就得大家，好為對方著想，唔會因為一己私利搞到大家唔開心。
去到阿晴同阿豪比人罰，都笑到我肚痛，阿豪真係好重！
然後就到阿楓同阿月俾人罰，佢地好似去行刑咁，見到佢地千年殺對方都真係睇到都痛..
然後我地再玩多咗幾輪，今次終於抽中我同阿楓…
「嗯...你地咬住百力枝兩端，咬到得番2CM！」阿言唔知邊到拎咗包百力滋出黎。
「咁樣....」我講。
「好啊，黎啦！」其實我個心而家跳得好西利，咁樣會同阿楓距離好近..
但係呢個機會真係可一不可再..所以我都係選擇咗爽爽快快咁玩！
「嚼、嚼、嚼..」我地一啖一啖咁食，食掉百力滋，距離都愈來愈近..
我一直慢慢咁咀嚼，唔太敢食得太快..我驚一個唔覺意會…
到咬碎枝百力滋果一刻..
我同佢嘅嘴唇..好似真係有意無意咁..觸碰咗一下。
我頓時個腦好似放空咗咁..
講好咗我唔可以咁過份..但係我又控制唔到自己…
我覺得自己好衰..做埋啲咁禁忌嘅嘢..我仿佛已經唔記得佢係有女朋友..
係喎..佢係有女朋友..仲要係我好朋友,,
「我..去一去廁所。」佢講..果然佢都係顧忌緊小涼。
之後佢地見都已經夜，所以就各自番房。番到房之後我就上咗床，冷靜下自己。
我一直要自己忘記頭先果一刻，但係又瞞唔過自己內心，其實我心底係好享受頭先果一分鐘，果種矛盾感覺真係好煎熬。
佢番到黎之後，我地都尷尷尬尬咁，無言以對。
「哈哈..瞓囉！」佢講。
「好啊..」
上到床之後我地都各自愣開咗，冇講嘢。
但係我一直都瞓唔著..我好唔開心。
如果我地係情侶咁玩頭先個遊戲你話幾好。
.
.
「掃貨啦去！」我地翌日去到台中之後已經冇咗半日。 有得行街我地就好開心啦！
「阿楓，你睇下呢件嘢幾靚。」我拎起件T-shirt俾佢睇。
「都唔襯你..」
「唔襯咩..？」
「你鐘意啊？買囉咁。」
「唔買啦，睇睇下都好似真係唔太襯。」
「你唔洗因為我嘅意見...」
「我信得過你眼光。」
「噢..咁再睇下啦..」
講樣嘢俾你地知，其實件衫個牌子係小涼最鐘意嘅牌子。
當阿楓話件衫唔襯我果陣，就仿佛同我講我已經取締唔到小涼，可能我真係喺到胡思亂想，但係呢個假設一直喺我腦中縈迴。
佢地入咗間類似H&M嘅鋪頭睇，我反而去咗對面街睇。我見到對好得意嘅鎖匙扣。
「老闆，這對鑰匙扣多少錢？」我啲普通話都頂得兩嘴嘅。
「100塊！」計落都係廿幾蚊姐。
於是我就買咗呢對鎖匙扣。其實係兩個砌得埋一齊嘅鎖匙扣，一個天使，另一邊就係一個惡魔。
阿楓好鐘意有關惡魔嘅嘢，我相信佢一定會好鐘意，而個天使..就我自己收藏好啦。
「喂阿楓，你過黎啊！」我大嗌佢。
「你係咪好鐘意惡魔嘅嘢啊？」果然啊。
「送俾你啊！」我遞俾佢。
「嘩，好靚！多謝曬！」
「唔洗..你鐘意就得啦。」
「勁鐘意啊！不過..點解得半邊嘅？」
「唔知喎，個老闆話個設計係咁，話咁先型喎。」原諒我講咗個大話。
「噢..又真係幾型，即刻扣落袋先。」好彩佢都冇懷疑。
話咁快，我地嘅旅程..得番兩日炸。
喺尾二果日，我地就去一個主題公園玩，一朝早我地就去咗便利店買嘢食。
「小霖你買一個包夠啦？」子妮問我。
「夠啦，個包咁大個。」
上咗車之後，我見阿楓食完個飯糰之後喺到四圍望，好似喺到覓食咁，於是我就分埋我個包俾佢。
「我分啲比你啊！」我同佢講。
呢個時候子妮喺我隔離暗中按一按我隻手，同我打埋眼色示意我唔好，但係我都一意孤行。
「你夠咩？」佢問。
「夠啊，我..食咗個飯糰啦。」我又講咗個大話。
「嘩！我要玩呢個 ！」其實入到去之後我都唔肯定自己負唔負荷到咁刺激嘅嘢，但係又真係好想玩。
「玩...玩..玩囉。」阿楓好似有啲驚。
.
.
.
「超正啊！」玩完之後我講，但係有啲作嘔咁..可能真係激得制。
「又真係幾好玩，不過真係暈暈地..」阿楓講。
唔知點解之後會愈行愈翳焗咁，仲有啲唔太抖到氣咁。
「你嘴唇白曬嘅？冇咩嘢啊？」佢問，咁大獲咩..
「唔..唔知..好似有啲暈..」
「喂 ！你地去玩啦，我陪小霖去坐陣，俾個wifi蛋我，再聯絡啊！」阿楓扶住咗我同佢地講。
「好啦，你地小心啲啊！」
「點啊？你可能中暑啦，飲啖水啦。」佢喺袋到拎咗支水俾我，估唔到佢都會裝定水..
但係呢個時候都冇精力去理呢啲嘢..我淨覺得個人好攰，仲好迷糊咁。
「我仲係有啲暈咁..」
「啊，我有啲暈浪丸，食2粒啊！」我講。
「唔...唔得啊，空肚唔好食藥..」如果唔係呢個地步我都唔太想講俾佢聽。
「下？你唔係食咗個飯糰同食咗少少包啦咩？」
「我冇..冇買飯糰..」
「下？你講真架？」佢有啲激動，佢關心起我呢..
「傻咗咩你？自己唔食都俾我食。」
「對住你我就係咁傻架啦...無論幾時都係。」其實我嘅意識已經控制唔到我講嘅嘢。
我淨係覺得瞓喺佢好身邊好舒服，好想同佢講曬我想講嘅嘢。
「我係唔值得你..」
「殊..」我將隻手指放喺佢唇前。
「借5分鐘俾我..攬實我好冇啊..？俾5分鐘我分享你嘅愛得唔得啊..」我問。
果一刻我喺到諗，用幾年嘅等待去換5分鐘唔太過份吧..
當然喺情理上，唔係我嘅嘢1分鐘都唔應該佔有，但係當時我嘅情感已經覆蓋我嘅理智。
費子楓，點解我喺你身邊咁耐，你都冇辦法對我動情，而我又真係咁傻，一直去等你？
如果時光可以倒流，我寧願從來冇認識過你。
我好攰啦...愛一個人原來真係會咁攰..特別愛上一個唔愛自己嘅人。
我合埋咗雙眼..因為我好唔爭氣咁流咗一滴淚..但係我心坎入面，流淌嘅係血，我為佢一直付出嘅心血。
或者你地覺得我只係為咗自己所付出希望得到回報，其實唔係架..即使知道佢唔會鐘意我，我仍然願意為佢做任何事。
「醒啦小霖！樂園要閂啦！」我諗我攰得制，不知不覺都瞓著咗。
「有冇好啲啊..？」佢問。
「好啲啦，唔該曬。搞到你成日都冇得玩添。」
「你有事我點放心去玩啊，行啦，同你去食少少嘢先。」我好開心聽到佢咁講，佢都係會緊張我。
「我借完你啲時間啦..你唔洗扶我啦。」有翻意識之後，我就知頭先嘅夢應該醒。
「你仲腳步浮浮咁，我唔放心。」
「俾我扶住你啦..就好似以前咁。」
我記得以前，睇住佢打波，睇到入曬迷，都唔記得自己企咗喺陽光下面曬住，搞到中暑。
「原來搵回憶真係唔係睇地方，係睇同邊個。」佢講。
「好多謝你呢幾日同我搵番咁多回憶。」
我聽完之後，其實好想喊，但係我忍住咗。
「我多謝你就真..費子楓，係你先帶俾我咁多回憶就真。」
之後我就好快咁擁上前錫咗佢一啖，只係好普通嘅一個吻，卻蘊藏住我好多嘅不捨同埋等待。
「小霖..」
「放心啦，我冇任何企圖，只係一份答謝，答謝你照顧我咁多日嘅禮物。」
不可以 不滿足你的好意 不能這麼厚臉皮
傻傻看你 還是想要更靠近 只怕再靠近 就一錯再錯的錯下去
不可以 糾纏著你的身影 不能再讓你為我擔心著急
多麼想要告訴你 我好喜歡你 都怪我控制不了自己
我努力壓抑 可是愛情怎麼喊停 你身上的熱還在我的懷裡
拼命的擦掉痕跡 面對你認真的眼睛 原諒我忍住了眼淚冷漠無情
我努力忘記 可是愛情怎麼喊停 和你在一起就像是在陽光裡
快樂到不想分離 為了你什麼都願意 這一次讓我昧著良心
提前離去
小霖視角籥--完