我只不過喺自修室溫書，點知比我遇番佢。: <最終章>奔向未來的日子

睇完封信之後，唔知點解有種好大嘅失落感同黯然。

一直喺自己身邊扶持自己，陪伴自己嘅人十幾年嘅好朋友就咁就離開咗自己？

仲要係無聲無息咁就離開咗。

雖然唔係話去到外國，仍然仲喺香港，但係喺呢個彈丸之地，要搵一個人都唔容易。

何況佢係有心逃避自己。



我隱約件到封信係有少少漬，係眼淚？

無論係唔係…我都覺得係我迫走咗佢，令到佢咁痛不欲生。

「信我收到了，祝你在新生活中可以找到幸福。」

佢應該冇Block我電話，所以我send咗個whatsapp俾佢。

大約半個鐘後，就換來咗佢送俾我嘅兩個藍剔…估唔到呢個就係佢送俾我嘅最後一份禮物。



我將呢封信收咗喺個好埋嘅地方，塵封住佢。

就好似收埋喺我心底，永遠永遠都唔會忘記。

「喂？」我打番俾阿言。

「點啊，搵到小霖未？」佢問。

「唔洗搵啦…佢走咗。」



「哦…」佢好似已經明白我講咩咁，都冇再追問。

果晚，我身體好似注入咗寂寞嘅咖啡因，久久都唔可以瞓得著。

＊寧願從來沒有她　今晚不必習慣
　輾轉反側都想她　方知傷痛那麼大
　寧願從來沒有她　應該一早習慣
　孤單都不識孤單　方知放棄那麼慢
 
無論如何，日子都還是要過。
 
喺小霖走咗之後，我並冇好頹廢咁過日子，反之過得更加積極。

佢嘅離開更加令我學識珍惜眼前嘅嘢，包括我身邊嘅人，同埋我嘅人生。
 


我唔知幾時會再有身邊嘅嘢突然消失，我亦唔希望會有咁嘅事。所以我做任何嘢都變得小心翼翼，凡事都諗清諗楚。
 
大概..呢啲就係叫成長。
.
.
「阿楓，你落唔落自修室啊？」小涼打過黎問我。
 
「唉..估唔到入到U都要去自修室..好啦好啦。」
 
之後我地就約咗喺果到見面。
 
話說回來，自從JUPAS放埋結果後，我地都入到唔錯嘅科。
 
最正最正嘅係，我地都入埋同一間U，仲要係薄扶林果間。
 


我地當中入到G-BUS嘅又有，入到BBA嘅又有，連DENTAL都有。
 
而我小涼..就一齊入咗social science，估唔到我地竟然可以入到同一科，讀住同一樣嘅嘢。
 
至於小霖..我地都撞唔翻佢。
 
我地再重返自修室，就係因為要做SEM功課。
 
再一次落到自修室，心情都有所唔同。
 
「啊..第一次落黎係唔洗溫書，感覺都輕鬆好多。」小涼落到去就講。
 
「係囉！之前次次落黎都死溫爛溫，冇咗你我諗我悶死咗。」
 
「嘻嘻，知我好呢！呢到永遠都係屬於我地嘅地方。」


 
「講得冇錯。」我搭住佢隻手，望住佢水汪汪嘅眼睛講。
 
佢挨咗埋黎，我地望出窗，見到蔚藍嘅藍天，對未來充滿住無限嘅憧憬。
 
我相信我地以後都會面對好多難關，但係我相信我地一定可以捱過去。

_____________________________________________________

我只不過喺自修室溫書，點知比我遇番佢。(完)