比初戀傷害過而變成一個Player: 樂儀

我地係一間慈善機構既學校，所以都有啲姊妹學校，而幼苗計劃就係搵其他姊妹學校既成績較好既中二生去教我地學校中二成績差啲既學生，而我就比人抽左去參加呢個計劃。

係計劃開始之前要去禮堂聽下個活動簡介，其他姊妹學校有份既學生都有黎埋聽，跟住就到分組結果，其實我諗住Hea下就算架喇，但係知道係個女仔黎教我既時候我萌生左份期待同興奮。

當逐個逐個比人叫離開禮堂時，有人喜有人愁，我當然唔希望係愁。

「張泳琛，鄭樂儀」

我戰戰兢兢咁行出去，口UpUp咁講唔好豬扒唔好豬扒。